नेपाल पूर्वाधार 
काठमाडौं । विद्युत विकास विभागले पियोर इनर्जी लिमिटेडलाई सम्मान गरेको छ । विभागको मंगलबार सम्पन्न ३१औं वार्षिकोत्सवका अवसरमा गोल्यान समूह अन्तर्गतको यो कम्पनीलाई सम्मान गरिएको हो ।
पियोर इनर्जीले गत आर्थिक वर्षमा बाँकेमा २० मेगावाटका २ सौर्य विद्युत आयोजना निर्माण सम्पन्न गरी राष्ट्रिय प्रसारण प्रणालीमा जोडी राष्ट्रका लागि योगदान गरेको कदर स्वरुप सम्मान गरिएको हो । ऊर्जा,जलस्रोत तथा सिँचाइ मन्त्री दीपक खड्काले गोल्यान समूह (ऊजा व्यापार) का कार्यकारी निर्देशक प्रवीण अर्याललाई सम्मानपत्र प्रदान गरे ।
पियोर इनर्जीले बाँकेमा १०/१० मेगावाटका २ सौर्य विद्युत आयोजना निर्माण गरी विद्युत उत्पादन गर्दै आएको छ । गोल्यान समूहले सौर्य ऊर्जा बाहेक पनि जलविद्युत आयोजनामा लगानी गरेको छ ।
अहिले गोल्यान समूहसँग ७ सय मेगावाटका जलविद्युत आयोजना तथा ६० मेगावाटका सौर्य विद्युत आयोजनाको अनुमतिपत्र छ । कर्णाली प्रदेशमा मात्रै ४४१ मेगावाटका २ जलविद्युत आयोजना निर्माण हुने छन् ।
