नेपाल पूर्वाधार 
काठमाडौं । नेपाल आयल निगमले पेट्रोलियम पदार्थको मूल्यवृद्धि गरेको छ । निगम सञ्चालक समितिको बिहीबारकाे बैठकले गए राति १२ बजेदेखि लागु हुनेगरी पेट्रोल, डिजेल र मट्टीतेलको मूल्यवृद्धि गरेको हो ।
पेट्रोल, डिजेल तथा मट्टितेलमा प्रतिलिटर २ रुपैयाँ वृद्धि भएको निगमका प्रवक्ता मनोजकुमार ठाकुरले जानकारी दिए । उनका अनुसार हवाई इन्धन र खाना पकाउने ग्यासको मूल्य भने यथावत राखिएकाे छ ।
नयाँ मूल्य समायाेजनपछि पहिलो, दोस्रो र तेस्रो वर्गका लागि पेट्रोल प्रतिलिटर क्रमशः १६९.५०, १७१ र १७२ तथा डिजेल/मटिटेल क्रमशः १५७.५०रुपैयाँ , १५९ रुपैयाँ र १६० रुपैयाँ पुगेकाे निगमले जनाएकाे छ ।
इण्डियन आयल कर्पोरेसनबाट प्राप्त नयाँ खरिद मूल्यअनुसार पेट्रोलमा प्रतिलिटर १.८३ रुपैयाँ र डिजेलमा प्रतिलिटर १.५६ रुपैयाँ बढेर आएकाले बढाएर मूल्य समायाेजन गर्नु परेकाे निगमले जानकारी दिएकाे छ ।
