नेपाल पूर्वाधार 
काठमाडौं । जलविद्युत् आयोजनामा आक्रमण गर्ने क्रम बढ्दै गएको छ । पछिल्लो पटक चैत्र १४ गतेको मध्यराती दोलखा जिल्ला, गौरीशंकर गाउँपालिकास्थित युनिभर्सल पावर कम्पनीको तल्लो खारे खोला जलविद्युत आयोजना (११ मेगावाट) को हेडवर्क साइटमा ‘एक आपराधिक’ समूहले तोडफोड गरेको छ ।
तोडफोडबाट करिब २५ लाख रुपैयाँ बराबरको क्षति पु¥याउनुको साथै कर्मचारीमाथि सांघातिक आक्रमण गरेको स्वतन्त्र ऊर्जा उत्पादकहरुको संस्था, नेपाल (ईप्पान) ले प्रेस विज्ञप्तिमार्फत सार्वजनिक गरेको छ । इप्पानले यस घटनाको घोर भर्त्सना र निन्दा गरेको छ । घटनाले स्तब्ध बनाएको विज्ञप्तिमा उल्लेख छ ।
आयोजनालाई उचित क्षतिपूर्तीका लागि सम्बन्धित निकायको गम्भीर ध्यानार्षण गराउनुका साथै घाईते भएका आयोजनाका कर्मचारीको सम्पूर्ण उपचार खर्च पीडक पक्षबाटै भराउने व्यवस्था गर्न समेत इप्पानले स्थानीय प्रशासनसँग जोडदार माग गरेको छ ।
घटनामा संलग्न व्यक्तिहरुले कानूनी कारबाही अगाडि बढाएमा पावरहाउस लगायत अन्य क्षेत्रमा पनि कर्मचारी र आयोजनाको अन्य सम्पत्ति माथि आक्रमण गर्ने धम्की अझै पनि दिइरहेको विज्ञप्तिमा उल्लेख छ । यस्तो अवस्थमा कर्मचारीहरु भयभित रहेको र शान्ति सुरक्षाको प्रत्याभूती नहुँदा काम गर्ने मनोबल नरहेकोले नेपाल सरकार र सम्बन्धित सुरक्षा निकायले सम्पूर्ण कर्मचारी र आयोजनाको सम्पत्तिको सुरक्षाको व्यवस्था अबिलम्ब मिलाई सुरक्षाको प्रत्याभूती गराउन आह्वान गरेको छ ।
विगतदेखि नै जलविद्युत आयोजनाहरुले यस्ता थुप्रै अप्रिय घटनाहरुको श्रृङ्खलावद्ध रुपमा सामना गरिरहेको छ । प्रवद्र्धक एवम् कर्मचारीहरुलाई मानसिक र भौतिक रुपमा डर, त्रास पैदा गराउन विभिन्न बहानालाई आधार बनाएर आयोजनालाई गम्भीर क्षति पु¥याउने र अवाञ्छित लाभ लिने नियोजित उद्देश्यले त्यस खालका आपराधिक, उच्श्रृङ्खल, अराजक र उदण्ड गतिविधि हुने गरेको इप्पानले जानकारी दिएको छ ।
यस प्रकारका गतिविधिले राष्ट्रिय अर्थतन्त्रको मेरुदण्डको रुपमा रहेको ऊर्जा क्षेत्रमा नकारात्मक सन्देश प्रवाह हुनुको साथै समग्र यो क्षेत्र निरुत्साहित हुने कुरातर्फ इप्पान सम्बन्धित निकायको गम्भीर ध्यानाकर्षण गराएको छ ।
परियोजनाहरुको कार्यस्थलमा हुने गरेका यस्ता घटनाहरुलाई निरुत्साहित गर्न तत्काल छुट्टै सुरक्षा संयन्त्र निर्माण गर्न र राष्ट्रिय प्राथमिकता प्राप्त जलविद्युत आयोजनाहरुमा यस्ता कार्यहरु निरुत्साहित गरी सुरक्षाको प्रत्याभुती गराउनु माग गरेको छ । साथै तत्काल यस घटनाको निष्पक्ष छानविन गरी दोषी उपर कडा कानुनी कारवाही गर्न एवम् पीडक पक्षबाटै पीडित पक्षको क्षतिपूर्ती भराउने व्यवस्था मिलाउन इप्पानले सरकारसँग जोडदार माग गरेको छ ।
