Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै दरबाङ-म्याग्दीखोला जलविद्युत् आयोजनाको दोस्रो अडिटमा सुरुङको काम सुरु एमसिसी परियोजना अन्तर्गतको रातमाटे सबस्टेसन निर्माणको जिम्मा टेक्नो इलेक्ट्रिक एण्ड इञ्जिनियरिङ कम्पनीलाई

लक्ष्यभन्दा साढे ३ वर्ष ढिलो गरी दोर्दी खोलाबाट विद्युत उत्पादन,२७ मेगावाट प्रणालीमा थप


काठमाडौं । लमजुङस्थित २७ मेगावाटको दोर्दी खोला जलविद्युत आयोजनाको विद्युत राष्ट्रिय प्रसारण प्रणालीमा जोडिएको छ । हिमालयन पावर पार्टनर कम्पनीले जिल्लाको दोर्दी गाउँपालिकामा निर्माण गरेको आयोजनाको विद्युत राष्ट्रिय प्रसारण प्रणालीमा जोडिएको हो ।

यो आयोजनाको विद्युत यसअघि नै सम्पन्न भई प्रसारण प्रणालीमा आइसक्नु पर्ने भए पनि प्रसारण लाइनको समस्याका कारण लक्ष्यभन्दा ढिलो गरी उत्पादन सुरु गरिएको कम्पनीले जनाएको छ । आयोजनाले उत्पादन गरेको विद्युत मर्स्याङ्दी कोरिडोरको ६ किलोमिटर प्रसारण लाइन उपयोग गरी मध्यमर्स्याङ्दी जलविद्युत केन्द्रको स्वीचयार्डसम्म पुर्याइएको छ ।

आयोजनाको निर्माण २०७२ फागुनदेखि सुरु गरिएको थियो । विविध कारणले ३ वर्षमा सम्पन्न गर्ने लक्ष्य राखिएको आयोजनाबाट काम सुरु भएको साढे ६ वर्षपछि विद्युत उत्पादन गर्न सम्भव भएको हो ।

आयोजनाले अबको २ सातासम्म परीक्षण उत्पादन गर्नेछ । परीक्षणको चरण पूरा भएपछि व्यापारिक विद्युत उत्पादन सुरु हुने प्रवद्र्धक कम्पनीले जानकारी दिएको छ ।

यो आयोजनामा गैरआवासीय नेपाली संघ (एनआरएन) तथा आइएमई समूहले स्वपुँजी लगानी गरेको छ । स्वपुँजी लगानीको ३५.७ प्रतिशत गैरआवासीय नेपाली, आइएमई समूहको ३४.३ प्रतिशत र सर्वसाधारणको ३० प्रतिशत लगानी छ ।

आयोजना सम्पन्न हुँदा ५ अर्ब रुपैयाँ खर्च भएको अनुमान छ । सुरुवातमा करिब ४ अर्ब रुपैयाँ अनुमान गरिएकोमा विविध कारणले आयोजनाको निर्माण अवधि लम्बिँदा लागत पनि बढेको कम्पनीले जनाएको छ ।

यो आयोजनाले उत्पादन गरेको विद्युत हिउँदमा प्रतियुनिट ८.४० रुपैयाँ र बर्खामा प्रतियुनिट ४.८० रुपैयाँमा खरिद गर्ने गरी नेपाल विद्युत प्राधिकरणले विद्युत खरिद सम्झौता (पिपिए) गरेको छ । प्राधिकरण र आयोजनाको प्रवद्र्धक कम्पनीबीच २०६९ सालमा पिपिए भएको थियो ।

दोर्दी कोरिडोरमा २५ मेगावाटको माथिल्लो दोर्दी ‘ए’, १२ मेगावाटको दोर्दी–१ र ५४ मेगावाटको सुपर दोर्दी ‘ख’ आयोजना पनि विद्युत उत्पादनको चरणमा पुग्दैछन् ।


Read Previous

संयुक्त पश्चिम सेतीको जिम्मा लिएको दुई सातामै भारतीय कम्पनीद्वारा बिजुली बिक्रीका लागि समझदारी

Read Next

व्यवस्थित सहर कागजमा मात्रै,नीति कार्यान्वयन फितलो

Leave a Reply

Your email address will not be published.