Nepal Purbadhar

बिहिबार, अशोज १३, २०७९
Thursday, September 29, 2022

बिहिबार, अशोज १३, २०७९
Thursday, September 29, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

भारतका सडक यातायात राज्यमन्त्री जनरल सिंहलाई पूर्वाधार सम्मेलनमा सहभागी हुन निमन्त्रणा


काठमाडौं । नेपाल उद्योग परिसंघले आसन्न नेपाल पूर्वाधार सममेलन २०२२ मा गेष्ट अफ अनरको रुपमा सहभागी हुन भारत सरकारको सडक यातायात, राजमार्ग तथा नागरिक उड्डयन राज्यमन्त्री जनरल विजयकुमार सिंहलाई निमन्त्रणा गरेको छ ।

परिसंघको तर्फबाट अध्यक्ष विष्णुकुमार अग्रवालले विहीबार नयाँ दिल्लीस्थित मन्त्रालयमा राज्यमन्त्री सिंहलाई भेटेर निमन्त्रणा गर्नुभएको हो । राज्यमन्त्री सिंहलाई सम्मेलनमा सहभागी हुन यसअघि भौतिक पूर्वाधार तथा यातायात मन्त्रालयले समेत औपचारिक रुपमा निमन्त्रणा पठाएको थियो ।

भौतिक पूर्वाधार तथा यातायात मन्त्रालय र नेपाल उद्योग परिसंघले आगामी भदौं २३ र २४ गते (सेप्टेम्बर ८–९, २०२२) मा आयोजना गर्दैछ ।

कमजोर भौतिक पूर्वाधारका कारण नेपालको औद्योगिक विकासमा बाधा र व्यवसाय संचालन लागत उच्च रहदै आएको छ । दिगो भौतिक पूर्वाधार विकासलाई प्राथमिकतामा राखेर परिसंघले ‘विकासका लागि पूर्वाधार’ मूल नाराका साथ चौंथो संस्करणको नेपाल पूर्वाधार सम्मेलन आयोजना गर्न लागेको हो । उचित पूर्वाधार बिना समग्र आर्थिक वृद्धि हासिल गर्न सकिँदैन ।

भारतीय पूर्वाधार विकासको अभियानमा एक नेतृत्वकर्ताको रुपमा रहेका राज्यमन्त्री सिंहको उपस्थितीले नेपाललाई अत्यावश्यक पूर्वाधार विकासका लागि घच्घच्याउने विश्वास संघको छ । राज्यमन्त्री सिंहको उपस्थिती रहेमा भारतले पूर्वाधार विकासको क्षेत्रमा हासिल गरेको सफलताले नेपाली नीति निर्माताहरु तथा उद्यमीहरुलाई नयाँ शिराबाट सोच्न प्रेरित गर्ने अपेक्षा संघको छ । नेपालकै सबैभन्दा ठूलो पूर्वाधारसम्बन्धी यस दुईदिने सम्मेलनमा २५ भन्दा बढी देशबाट कम्तिमा एक हजार जनाको सहभागिता हुनेछ ।

पछिल्लो दशकमा भारतको पूर्वाधारमा फड्को

भारतले पछिल्लो दशकमा पूर्वाधार विकासमा ठूलो फड्को मारेको छ । यो उपलब्धिमा ‘प्रधानमन्त्री गतिशक्ति–नेशनल मास्टर प्लान फर मल्टी मोडल कनेक्टीभीटी’ पहल पूर्वाधार विकासको एउटा सफल उदाहरण बनेको छ । पूर्वाधार सञ्जाल परियोजनाहरुको एकीकृत योजना तथा समन्वयात्मक कार्यान्वयनका लागि रेल्वेज तथा रोडवेजसहित १६ मन्त्रालयहरुलाई एक ठाउँमा ल्याउने डिजिटल प्लाटर्फमका रुपमा पनि यो पहल रहेको छ ।

मल्टी मोडल कनेक्टीभीटीले ढुवानीको एक माध्यमबाट अर्को माध्यममा मानिसहरु, सामान तथा सेवाहरुको आवतजावत/ओसारपसारका लागि एकीकृत तथा अवरोधरहित सम्पर्क प्रदान गर्नेछ । साथै यसले अन्तिम दूरीसम्मको पूर्वाधार सम्पर्कमार्फत मानिसहरुको यात्राको समय समेत घटाउनमा सहजिकरण गर्नेछ ।

‘प्रधानमन्त्री गतिशक्ति–नेशनल मास्टर प्लान फर मल्टी मोडल कनेक्टीभीटी’ पहलले भारतको विभिन्न मन्त्रालय तथा राज्य सरकारहरु (भारतमाला, सगरमाला, आन्तरिक जलमार्ग, सुख्खा बन्दरगाहलगायत) का विभिन्न पूर्वाधारहरुलाई समेटेको छ । यसले टेक्स्टटाइल, फर्मास्यूटिकल्स, डिफेन्स करिडोर, इलेक्ट्रोनिक पार्क, औद्योगिक करिडोर, फिसिङ क्लस्टर, कृषि क्षेत्रलगायतका आर्थिक क्षेत्रहरुलाई समेटेर सम्पर्क (कनेक्टीभिटी) सुधार गर्दै भारतीय व्यवसायहरुलाई थप प्रतिस्पर्धी बनाउनेछ ।

नेपालमा पूर्वाधार निर्माण गर्न झन्झट

नेपालमा पूर्वाधार विकासको प्रमुख बाधाको रुपमा विभिन्न विभागहरुबीच समन्वयको अभाव रहदै आएको छ । संघले उदाहरणका लागि जलविद्युत परियोजना विकासका लागि सात मन्त्रालय, २३ विभागहरु र ३६ वटा कानूनहरुको परिपालना तथा अनुमती आवश्यक रहेको जनाएको छ ।

यस्तै, नेपालमा ढुवानीको प्रमुख माध्यमका रुपमा सडक यातायात नै रहँदै आएको छ, जसको भाडा दक्षिण एसिया क्षेत्रमध्येकै उच्च रहेको छ । सडकमा सवारी साधन संचालनको लागत समेत नेपालमा उच्च छ । रेलमार्ग, जलमार्ग इत्यादी अझै पनि अवधारणाकै चरणमा रहेको छ ।

नेपाल भूपरिवेष्ठित मुलुक भएकाले भारतीय पूर्वाधारहरुसँगको सम्पर्क अपरिहार्य रहेको सन्दर्भमा पूर्वाधारमा भारतले हासिल गरेको सफलतालाई सहजै नेपालमा अनुसरण गर्न सकिन्छ ।


Read Previous

ग्रिन क्लाइमेट फण्डमा निजी क्षेत्रको पहुँच बढाउन वरिष्ठ उपाध्यक्ष ढकालको आग्रह

Read Next

मध्यपहाडी राजमार्गको १८७९ किमिमध्ये ६७ प्रतिशत सडकमा कालोपत्रे

Leave a Reply

Your email address will not be published.