नेपाल पूर्वाधार 
काठमाडौ । पूर्व जलस्रोत सचिव द्धारिकानाथ ढुंगेलद्धारा लिखित चक्रब्यूहमा नेपालको जलस्रोत पुस्तक सार्वजनिक हुँदैछ ।
सरकारी सेवामा तीन दशक बिताएका र जलस्रोतको अध्ययन अनुसन्धानमा संलग्न जलस्रोतविद् ढुंगेलले लेखेको सो पुस्तक आगामी सोमबार सार्वजनिक हुन लागेको हो ।
पुस्तकमा ढुंगेलले जलस्रोत मन्त्रालयमा काम गर्दाको अनुभव र भोगाई समेटिएका छन् । भारतसँग भएको महाकाली सन्धी, ऊर्जा व्यापार सम्झौता, कर्णाली चिसापानी आयोजनामा अमेरिकी कम्पनीको अभिरुची, पश्चिम सेती आयोजनामा अष्ट्रेलियन कमपनीको संलग्नता, ऊर्जा विकास कोषको स्थापना लगायतका विषय समेटिएका छन् ।
लेखक ढुंगेलले आफूले सरकारी सेवाको क्रममा जलस्रोतसँग सम्बन्धित मुद्दामा भएका छलफल र अनुभवहरुलाई समेटेर पुस्तक तयार गरेको बताए ।
सिमल बुक पब्लिकेशनले प्रकाशन गरेको पुस्तक पढेपछि तीन दशकदेखिको जलस्रोत र जलविद्युत क्षेत्रको इति वृतान्त थाहा पाउन सकिनेछ ।
