नेपाल पूर्वाधार 
काठमाडौं । युरोपेली राष्ट्रहरूलाई अबको २८ वर्षमा ६ लाख मेगावाट विद्युतको स्टोरेज आवश्यक पर्ने भएको छ । दि युरोपियन एशोसियसन फर स्टोरेज अब इनर्जी (इएएसई) ले गरेको अध्ययन अनुसार सन् २०५० सम्मको विद्युतको माग व्यवस्थापन गर्न यति स्टोरेज आवश्यक पर्ने देखिएको हो ।
सन् २०३० अर्थात अबको ८ वर्षमा मात्रै २ लाख मेगावाटको स्टोरेज आवश्यक पर्ने इएएसईको रिर्पोटलाई उदृत गर्दै अन्तर्राष्ट्रिय सञ्चार माध्यमहरूले खबर लेखेका छन् । युरोपको अहिलेको स्टोरेज क्षमता करिब ६० हजार मेगावाट छ ।
विद्युतको माग अनुसारको आपूर्ति व्यवस्थापन गर्ने गरी लक्ष्य पूरा गर्न वार्षिक १४ हजार मेगावाट बराबरको स्टोरेज जडित क्षमतामा थप गर्नुपर्ने आवश्यकता रहेको समाचारमा जनाइएको छ । ऊर्जा भण्डारण क्षमता विस्तार गर्न अहिले नै कदम नचालिएको अवस्थामा सन् २०३० सम्ममा २ लाख मेगावाट भण्डारण गर्ने लक्ष्य पूरा गर्न कठिन हुने रिर्पोटमा भनिएको छ ।
‘युरोपियन युनियनमा आवद्ध राष्ट्रहरूले तत्कालै ऊर्जा भण्डारणको लक्ष्य पूरा गर्न रणनीतिक योजना बनाएर आजैबाट काम सुरु गर्नुपर्ने आवश्यकता देखिन्छ,’ रिर्पोटमा भनिएको छ ,‘विद्युतको भण्डार क्षमता बढाउन जलविद्युत, सौर्य र वायु ऊर्जाका परियोजनामा लगानी बढाउन आवश्यक छ ।’
सन् २०३० सम्ममा ६७ हजार मेगावाटको ब्याट्री स्टोरेज, ६५ हजार मेगावाट पम्प स्टोरेज गरिएको जलविद्युत, ५५ हजार मेगावाट भण्डारण गरिने ऊर्जा र ४० हजार मेगावाट इलेक्ट्रोलाइजर क्षमता रहनु पर्ने भनिएको छ ।
यस्तै, सन् २०५० सम्मको विद्युत उत्पादनको लक्ष्य पूरा गर्न ६५ हजार मेगावाट पम्प स्टोरेज जलविदुत आयोजनाबाट उत्पादन गनुपर्ने अध्ययन रिर्पोटमा उल्लेख छ । २ लाख मेगावाट दीर्घकालिन ऊर्जा भण्डारणका लागि, १ लाख २० हजार मेगावाट विद्युतीय सवारी साधन सञ्चालनका लागि र ५० हजार मेगावाट ब्याट्रि स्टोरेजलगायत गरी ६ लाख मेगावाट पुर्याउनु पर्ने उल्लेख छ । यसमा ४ लाख ३५ हजार मेगावाट विद्युतीकरणका लागि, १ लाख ६५ हजार मेगावाट प्रविधि सञ्चालनका लागि चाहिने समाचारमा जनाइएको छ ।
विद्युत उत्पादन तथा वितरण प्रणालीलाई लचिलो बनाउन प्राकृतिक ग्यासबाट उत्पादन हुने विद्युतको सट्टा विद्युत ब्याट्रीमा स्टोरेज गर्न सकिने तथा पम्प स्टाेरेज परियोजनामा जानु पर्नेमा जोइ दिइएको छ । सन् २०५० सम्मकै लक्ष्य पूरा गर्न उत्पादन भएको विद्युतको भण्डारण उद्योग स्थापना तथा संरचना निर्माणमा समानान्तररूपले लगानी बढाउनु पर्ने देखिएको रिर्पोटको निश्कर्षमा भनिएको छ । कार्बन उत्सर्जन कम गर्न युरोपेली राष्ट्रहरूले गरेको प्रतिबद्धता पूरा गर्नका लागि पनि इनर्जी स्टोरेज आयोजनाको निर्माणबाट योगदान पुग्ने उल्लेख छ ।
अन्तर्राष्ट्रि समाचार एजेन्सीको सहयोगमा अनुवाद
