Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै दरबाङ-म्याग्दीखोला जलविद्युत् आयोजनाको दोस्रो अडिटमा सुरुङको काम सुरु एमसिसी परियोजना अन्तर्गतको रातमाटे सबस्टेसन निर्माणको जिम्मा टेक्नो इलेक्ट्रिक एण्ड इञ्जिनियरिङ कम्पनीलाई

भारतमा नेपालको विद्युत प्रतियुनिट १९ रुपैयाँसम्म बिक्यो, कालीगण्डकी ‘ए’को पनि निर्यात


काठमाडौं । नेपालको विद्युत भारतीय बजारमा प्रतियुनिट १९ रुपैयाँसम्म बिक्री भएको छ । कोइला अभावले ऊर्जा संकट झेलिरहेको भारतमा नेपालको विद्युतले राम्रो मूल्य पाएको हो ।

बिहीबारबाट निर्यात सुरु भएको विद्युतले अधिकतम प्रतियुनिट १९.२ रुपैयाँ (१२ भारु) सम्म प्राप्त गरेको नेपाल विद्युत प्राधिकरणका कार्यकारी निर्देशक कुलमान घिसिङले बताए । उनका अनुसार शनिबार प्रधिकरणले अधिकतक प्रतियुनिट मूल्य १९.२ रुपैयाँ (१२ भारु) र न्यूनतम ४.०८ रुपैयाँ (२.५५ भारु) मा विद्युत बिक्री गरेको छ । औसतम मूल्य ११.४८ रुपैयाँ (७.१८ भारु) रहेको छ ।

पहिलो पटक निर्यात भएको बिहीबारको दिनको अधिकतम प्रतियुनिट १९.२ रुपैयाँ (१२ भारु) हुँदा न्युनतम प्रतियुनिट विद्युतको मूल्य ३.९८ रुपैयाँ (२.४९ भारु) हुँदा औसत मूल्य प्रतियुनिट १०.७६ रुपैयाँ (६.७२ भारु) तय भएको थियो ।

शनिबार रातिबाट निर्यात हुने नेपालको विद्युतले पनि भारतीय बजारमा अधिकतम प्रतियुनिट १९ रुपैयाँ (१२ भारु) सम्म पाउने घिसिङले बताए । उनका अनुसार शनिबार रातिबाट निर्यात हुने विद्युतको औसत बिक्री मूल्य प्रतियुनिट ११.२ रुपैयाँ (७ भारु) छ ।

‘भारतमा आज रातिबाट निर्यात हुने हाम्रो विद्युतले न्यूनतम २.३८ रुपैयाँ (१.४९ भारु) पाउने छ,’ उनले भने, ‘औसत दर ११.२ रुपैयाँ (७ भारु) हुँदा अधिकतम १९ रुपैयाँ (१२ भारु) सम्म पुग्नेछ ।’ उनले भारतीय ऊर्जा एक्सचेन्ज (आइएक्स) मा २४ घण्टालाई १५÷१५ मिनेटको ९६ वटा ब्लकमा विभाजन गरी बजारले तय गरेको प्रतिश्पर्धी दरमा विद्युतको कारोबार हुने बताए । यही कारण हरेक ब्ल्कको प्रतियुनिट विद्युतको मूल्य फरक फरक हुने गरेको छ

कालीगण्डकीको विद्युत पनि निर्यात

विद्युत प्राधिकरणको स्वामित्वमा रहेको १४४ मेगावाटको कालीगण्डकी ‘ए’ जलविद्युत केन्द्रको विद्युतगृहबाट उत्पादित विद्युत भारतीय बजारमा निर्यात हुने भएकपो छ । शनिबार राति १२ बजेबाट यो जलविद्युत केन्द्रबाट उत्पादन हुने विद्युत भारततर्फ निर्यात हुन लागेको हो ।

कालीगण्डकी ‘ए’को विद्युत निर्यात हुन सुरु भएसँगै नेपालतर्फबाट भारतीय बजारमा १७७.७ मेगावाट विद्युत जानेछ । विद्युत प्राधिकरणले भारतीय ऊर्जा एक्सचेन्ज (आइएक्स) बजारमा बिहीबारबाट त्रिशूली र देवीघाट जलविद्युगृहबाट उत्पादित विद्युतलाई स्रोत मानी दैनिक रुपमा करिब ३९ मेगावाट विद्युत निर्यात गरिरहेको छ ।

शनिबार रातिबाट कालीगण्डकी ‘ए’ को १४० मेगावाट, त्रिशूलीको २३.२ मेगावाट र देवीघाटको १४.५ मेगावाट विद्युत भारत निर्यात हुने घिसिङले जानकारी दिए । वर्षातसँगै नदीनालामा पानीको बहाव बढेर विद्युतगृहहरू पूर्ण क्षमतामा चल्न थालेपछि आन्तरिक रुपमा खपत गरी अतिरिक्त भएको विद्युत प्राधिकरणले भारत निर्यात गर्न थालेको हो । नेपालले भारतीय भारतीय ऊर्जा एक्सचेन्ज मार्केटमा प्रतिश्पर्धी दरमा ३६४ मेगावाटसम्म विद्युत बिक्री गर्न अनुमति पाएको छ ।


Read Previous

निजगढ विमानस्थल बन्छ, यो मेरो प्रतिबद्धता भयोः अर्थमन्त्री

Read Next

प्रसारण समस्याले मिस्ट्री खोला पूर्ण क्षमतामा चल्न पाएन, १० मेगावाट विद्युत खेर

Leave a Reply

Your email address will not be published.