Nepal Purbadhar

बिहिबार, चैत्र १५, २०८०
Thursday, March 28, 2024

बिहिबार, चैत्र १५, २०८०
Thursday, March 28, 2024
निर्माण व्यवसायी महासंघको २५औं साधारणसभाको तयारी पूरा, शुक्रबार प्रधानमन्त्रीले उद्घाटन गर्ने ‘स्मार्ट नगर’ बन्दै धुलिखेल नगरपालिका, नागरिकलाई घरबाटै सेवा  मध्यपहाडी लोकमार्ग निर्माणले छेउछाउमा मानव बस्ती बढ्दै    सुपर त्रिशूली जलविद्युत आयाेजनाकाे इआइए बदरकाे माग गर्दै सर्वाेच्चमा मुद्दा दायर ग्लोबल आइएमई बैंक र आइएफसीबीच जोखिम व्यवस्थापन,लैङ्गिक तथा जलवायु वित्त क्षेत्रमा परामर्श सेवासम्बन्धी समझदारी रसुवागढी जलविद्युत आयाेजनाः विद्युतगृहकाे उपकरण परीक्षण अन्तिम चरणमा    प्रतिकूल मौसमले ‘भिजिबिलिटी’ कमजोर हुँदा हवाई उडान प्रभावित    दैलेखका ४ गाउँपालिकाका ७ गाउँमा राष्ट्रिय प्रसारण प्रणालीबाट विद्युतीकरण

निर्माणाधीन नागढुंगा सुरुङमार्गको ४१६ दिन म्याद थपको माग, ८६ दिन थप गर्ने सहमति


काठमाडौं । निर्माणाधीन नागढुंगा सुरुङमार्ग आयोजनाको म्याद ८६ दिन थपिने भएको छ । कोभिडको दोस्रो चरण थालनी हुने बेलासम्ममा जापानी निर्माण कम्पनी हाज्मा आन्दोले कुल ४१६ दिन म्याद थपको प्रस्ताव गरेको थियो । तर, त्यसलाई आयोजना कार्यालयले ८६ दिन मात्र थप गर्ने गरी समझदारी गरेको छ । त्यही अवधिमा सम्पन्न गर्ने गरी दुवै पक्ष सहमत भएको आयोजना प्रमुख नरेशमान शाक्यले जानकारी दिए ।

नेपाल इञ्जिनियरिङ एशोसिएशनले आयोजना गरेको कार्यक्रममा उनले काम रोकिने वित्तिकै जापानीज निर्माण कम्पनीले म्याद थपको माग गर्ने गरेको बताए । म्याद थपसँगै तोकिएको समयमा आयोजना सम्पन्न हुनेछैन । आयोजना १३ बैशाख २०८० मा सम्पन्न गर्ने ठेक्का सम्झौता छ ।

नागढुंगा सुरुङमार्ग निर्माण अब ४९ प्रतिशत मात्र बाँकी

नागढुंगा सुरुङमार्ग आयोजना                                                                                                                                                                फाेटाेः आयोजना कायार्लय

निर्माणाधीन नागढुंगा सुरुङमार्ग आयोजनाअन्तर्गत सुरुङ निर्माणको काम ५१ प्रतिशत सम्पन्न भएको छ । २८ कात्तिक २०७६ देखि औपचारिक निर्माण थालिएको आयोजनाको मोबिलाइजेसन पेस्कीसमेत गरेर साढे ४५ प्रतिशत वित्तीय प्रगति भएको छ ।

आयोजनाका अन्य संरचनासमेको समग्र भौतिक प्रगति भने साढे ३५ प्रतिशत पुगेको छ । आयोजनामा २६ जनाको उच्च व्यवस्थापन नेतृत्व जापानिज रहेका छन् भने करिब ५० जना नेपाली इन्जिनियर संलग्न छन् । कुल कामदार संख्या ५ सयको हाराहारीमा भएको आयोजना कार्यालयले जानकारी दिएको छ । आयोजना अप्रिल २०२३ मा सम्पन्न गर्ने ठेक्का सम्झौता छ । त्यही समयमा सक्ने प्रयास भइरहेको आयोजना व्यवस्थापन पक्षको भनाइ छ ।

निर्माणाधीन नागढुंगा सुरुङमार्गको अडिट र मुख्य सुरुङ गरी कुल पाँच हजार चार सय ९९ मिटर लम्बाइको सुरुङमार्ग खन्नुपर्नेछ । ‘त्यसमध्ये ६ जेठसम्म २ हजार ८ सय ६ मिटर खनिसकिएको छ’ आयोजना प्रमुख शाक्यले भने ।

आयोजनामा मुख्य सुरुङको लम्बाइ दुई हजार ६ सय ८८ मिटर रहेको छ । त्यसमध्ये अहिलेसम्म १ सय २१३ मिटर सम्पन्न भएको छ । इभ्याकुएसन सुरुङ कुल २ हजार ५ सय ५७ मध्ये १ हजार ४१९ र क्रस प्यासेज कुल एक सय २८ मिटरमध्ये ४८ मिटर खनिएको छ । वर्किङ अडिट एक सय २६ मिटरमा पूरै सम्पन्न भइसकेको छ । ‘खनिएको कुल लम्बाइमध्ये काठमाडौंतर्फ १ हजार ४ सय ६६ र धादिङतर्फ १ हजार ३ सय ४० मिटर खनिएको छ’ आयोजना प्रमुख शाक्यले भने ।
आयोजनाको कुल लागत २२ अर्ब रुपैयाँ पुग्ने अनुमान छ । थालनीमा २० अर्ब ६० करोड रुपैयाँ हुने अनुमान थियो । तर, जापानिज येन बलियो भएका कारण बढेर २२ अर्ब १४ करोड रुपैयाँ पुगेको हो ।

अन्य संरचनामा कति प्रगति ?

आयोजनाको लागि ३ वटा अन्डरपास निर्माण गर्नुपर्नेमा अहिलेसम्म २ वटा सम्पन्न भइसकेको छ । एउटा ओभर पास निर्माण गर्नुपर्नेमा अहिलेसम्म निर्माण सकिसकेको छ । त्यस्तै, बक्स कल्भर्ट ४ वटै पूरा भएको छ । काठमाडौतर्फ निर्माण गर्नुपर्ने एउटा फ्लाईओभर निर्माणस्थलको भने अहिले जग्गा प्राप्तिको लागि मुआब्जा दिने काम भइरहेको छ । कुल १२ वटा संरचना निर्माण गर्नुपर्नेमा १० वटा पूरा भइसकेका छन् ।

यो आयोजना बनेपछि के फाइदा हुन्छ ?

यो आयोजनाले आर्थिक रुपमा पु¥याउने फाइदा भनेको नागढुंगा पार गर्नको लागि समय घटाउनेछ । यसले यात्रामा ढिलाइले हुने लागत घटाउनेछ । सवारी साधनको सञ्चालन खर्चमा उत्तिकै कमी ल्याउनेछ । अहिले सडकको खराव अवस्थाको कारण हुने दुर्घटनालाई कमी ल्याउने आयोजना प्रमूख शाक्यको भनाइ छ ।

यस्तै, यो आयोजना जापानको सहुलियत ऋण सहयोग र उसैको प्रविधिमा आधारित भएर निर्माण भइरहेको छ । साथै अहिले नेपाली इञ्जिनियर पनि यो आयोजनामा सहभागी छन । यसले अत्याधुनिक जापानी प्रविधि नेपाल भित्राउन सहयोग पुग्नेछ । त्यससम्बन्धी ज्ञान र अनुभव नेपालको स्थानीय परामर्शदाता, निर्माण कम्पनी, कामदार र सडक विभागलाई हुनेछ । अर्को सुरुङ निर्माणको लागि सहयोग पुग्नेछ ।

यसको साथै सुरुङ निर्माणको लागि आवश्यक डिजाइनको ज्ञान वृद्धि गर्न सहयोग पुगेको छ । नेपालमा सुरुङ निर्माणको प्राविधिक मापदण्ड निर्धारण गर्न सहज हुने अपेक्षा छ । सामाजिक र वातावरणीय फाइदा पनि छ । आयोजनाले रोजगारी सिर्जना भएको छ । आयोजनाले निर्माण गर्ने सर्भिस सेन्टरमा तोकिएको व्यवसाय गर्न सकिनेछ । यसले वायु प्रदुषण घटाउन सहयोग पुर्याउनेछ ।


Read Previous

आगामी आवको बजेटमा पूर्वाधारका नयाँभन्दा पुरानै बहुवर्षिय आयोजना प्रथामिकतामा

Read Next

ऊर्जालाई १ खर्ब १२ अर्ब ९४ करोडको बजेट सिलिङ,बूढीगण्डकी प्राथमिकतामा

Leave a Reply

Your email address will not be published.