नेपाल पूर्वाधार 
काठमाडौं । नेपाली अटोमोबाइल बजारमा आफ्नो उपस्थिति विस्तार गर्ने क्रममा बीएआईसी र आर्कफक्स ले पोखराको बुद्धचोकमा नयाँ शोरुम सञ्चालनमा ल्याएका छन्।
शोरुमको औपचारिक उद्घाटन लक्ष्मी ग्रुपका अध्यक्ष गणेशबहादुर श्रेष्ठ र कार्यकारी निर्देशक सुनील श्रेष्ठले गरेका हुन्। नेपालका लागि यी दुई ब्रान्डको आधिकारिक प्रतिनिधित्व लक्ष्मी मोटरहबले गर्दै आएको छ।
नयाँ शोरुममार्फत पोखरा तथा आसपासका क्षेत्रका ग्राहकलाई दुवै ब्रान्डका सवारीसाधन, प्रविधि, विशेषता र सेवाबारे सहज रूपमा जानकारी उपलब्ध गराउने कम्पनीको लक्ष्य छ। काठमाडौं बाहिर पनि आफ्नो बजार विस्तार गर्दै क्षेत्रीय ग्राहकसम्म पहुँच बढाउने रणनीतिअनुसार शोरुम सञ्चालनमा ल्याइएको हो।
इन्जिनियरिङ, कार्यक्षमता र बहुउपयोगिताका लागि परिचित बीएआईसी तथा विद्युतीय मोबिलिटी, आधुनिक डिजाइन र अत्याधुनिक प्रविधिमा केन्द्रित आर्कफक्स ले फरक विशेषताका सवारीसाधन उपलब्ध गराउँदै आएका छन्।
नयाँ शोरुमबाट गण्डकी प्रदेशका ग्राहकले दुवै ब्रान्डका विभिन्न मोडल नजिकबाट अवलोकन गर्नुका साथै तिनका विशेषता, प्रविधि र सेवाबारे प्रत्यक्ष जानकारी लिन सक्नेछन्।
क्षेत्रीय बजारमा ग्राहकको पहुँच विस्तार गर्न र नेपालमा बढ्दो विविध मोबिलिटी समाधानको माग सम्बोधन गर्न नयाँ शोरुमले सहयोग पुर्याउने अपेक्षा गरिएको छ।
