Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै दरबाङ-म्याग्दीखोला जलविद्युत् आयोजनाको दोस्रो अडिटमा सुरुङको काम सुरु एमसिसी परियोजना अन्तर्गतको रातमाटे सबस्टेसन निर्माणको जिम्मा टेक्नो इलेक्ट्रिक एण्ड इञ्जिनियरिङ कम्पनीलाई

बारा र पर्साकाे विद्युत प्रसारण प्रणाली सुधार गर्न परवानीपुर-पोखरिया प्रसारण लाइन निर्माण गरिँदै


काठमाडौं । मधेश प्रदेशको विद्युत प्रसारण तथा वितरण प्रणालीको गुणस्तर सुधारका लागि परवानीपुर–पोखरिया १३२ केभी डबल सर्किट प्रसारण लाइन निर्माण हुने भएको छ । नेपाल विद्युत प्राधिकरणले बाराको जितपुर सिमरास्थित परवानीपुर सबस्टेसनदेखि पर्साको पोखरियामा प्रस्तावित १३२/३३ केभी सबस्टेसनसम्म  २०.७१६ किलोमिटर लामो प्रसारण लाइन निर्माण गर्न लागेको हो ।

विद्युत विकास विभागले प्रसारण लाइन निर्माणका लागि आवेदन दिएकाे विद्युत प्राधिकरणलाई अनुमतिपत्र दिने प्रक्रिया अन्तिम चरणमा पुर्याएको छ । विभागले अनुमतिपत्र दिनुअघि प्रसारण लाइन निर्माण गरी सञ्चालन गर्दा कुनै प्रकारको प्रतिकुल प्रभाव पर्ने भएमा अबको ३५ दिनभित्र लिखितरूपमा राय/सुभाव दिन सम्बन्धित सरोकारवालामा आग्रह गरेको छ ।

प्रसारण लाइन अन्तर्गत परवानीपुर अहिले रहेकाे सबस्टेसनमा २ वटा १३२ केभी लाइन–वे विस्तार गरिनेछ । साथै, पोखरियामा १३२/३३ केभी सबस्टेसन निर्माण गरिनेछ । याे १३२ केभी सबस्टेसनमा ६३ एमभिए क्षमताका २ वटा पावर ट्रान्सफर्मर जडान गरिनेछ । ३३/११ केभीमा ३० एमभिएका २ वटा पावर ट्रान्सफर्मर राखिनेछ ।

विद्युत प्राधिकरणले अध्ययनअनुसार प्रसारण लाइनको रुटमा ६२ वटा टावर निर्माण हुनेछन् । टावरहरूबीचको दुरी २ सय देखि ५ सय मिटर रहने अध्ययनले देखाएको छ ।

प्रसारण लाइन तथा सबस्टेसन निर्माण गर्न ४४.५८९४ हेक्टर जग्गा अधिग्रहरण गर्नुपर्नेछ । जस अन्तर्गत सबस्टेसन र प्रसारण लाइनको टावरका लागि ८.३७५ हेक्टर तथा बाँकी ३५.७१४४ हेक्टर प्रसारण लाइनको तारमुनीको जग्गा आवश्यक पर्नेछ ।

विद्युत नियमावली २०५० मा भएको व्यवस्था बमोजिम प्रसारण लाइनको तार मुनिको क्षेत्राधिकारमा दायाँ र बायाँ गरी ९/९ मिटर कायम हुनेछ । प्राधिकरणले यो प्रसारण लाइन र सबस्टेसन आर्थिक वर्ष २०८२/८३ भित्र सम्पन्न गर्ने तालिका तोकिएको छ । प्रसारण लाइन निर्माण पूरा भई सञ्चालनमा आउँदा २५० मेगावाट विद्युत प्रवाह गर्न सकिनेछ ।


Read Previous

जनवरीमा भित्रिए ५५ हजार पर्यटक

Read Next

दुई लघुवित्तले घोषणा गरे लाभांश

Leave a Reply

Your email address will not be published.