नेपाल पूर्वाधार 
चितवन । पृथ्वी राजमार्गअन्तर्गत चितवनको इच्छाकामना गाउँपालिका-५, मुग्लिनमा पहिरो खसेपछि लागेको सवारी जाम अझै कायमै रहेको छ।
आज दिउँसो सडक निर्माणका क्रममा पहिरो खसेपछि केही समय सडक अवरुद्ध भएको थियो। लगत्तै उक्त पहिरो हटाएको भएपनि दुवैतर्फी यातायात प्रभावित भएको थियो। पहिरो हटाएर सडक सञ्चालनमा ल्याइए पनि सवारीसाधनको चाप बढेपछि मुग्लिन क्षेत्रमा अहिले पनि जाम लागेको छ।
सडकमा सवारीसाधनको लामो लाइन देखिएको छ। यात्रुले जामका कारण आवागमनमा समस्या व्यहोर्नुपरेको छ।
तस्बिर स्रोत: नेपाल फोटो लाइब्रेरी
