Nepal Purbadhar

बिहिबार, अशोज १३, २०७९
Thursday, September 29, 2022

बिहिबार, अशोज १३, २०७९
Thursday, September 29, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

बस्न लायक सहर कसरी बनाउने ?


काठमाडौं । नेपाल पूर्वाधार सम्मेलन २०२२ को दोस्रो दिन ‘बस्न लायक नगरको लागि सहरी पूर्वाधार’ विषयमा सहरी विज्ञ तथा मेयरहरुसँग छलफल सम्पन्न भएको छ ।

नगर विकास कोषका कार्यकारी निर्देशक कृष्णप्रसाद सापकोटाले बस्नलायक सहरी बनाउने विषय बस्नलायक घरबाट थालनी हुने बताए । ‘अहिले घरलाई राम्रो बनाउने तर सहरलाई नै बस्नलायक बनाउने प्रणालीमा जान सकेका छैनौं’ उनले भने । सहरी हरित योजना र यातायात योजना ल्याउन पनि ढिलाइ भइरहेको उनले उल्लेख गरे ।

मेयरहरुमा पनि पाँच वर्षमा आफ्नो नगरलाई कस्तो बनाउने भन्ने योजनाकै अभाव रहेको कार्याकारी निर्देशक सापकोटाको भनाइ छ । यातायात प्रणाली सुधार नगरी अन्य सूचकमा सुधार ल्याउन सके पनि धेरै विषय व्यवस्थित नहुने उनको विश्वास छ ।

अहिलेको संरचनाबाट नयाँ सहर बन्न नसक्ने र त्यसको लागि आयोजना निर्माण केन्द्रित संस्था निर्माण गर्नुपर्ने पालिकाका मेयरहरुलाई सुझाव दिए ।
पोखरा महानगरपालिकाका मेयर धनराज आचार्यले जनसंख्याको वृद्धिसँगै पूर्वाधारमा लगानी नहुँदा पनि समस्या आएको बताए । ‘२५ वर्ष पहिलेको संरचनालाई अहिलको आवश्यकतालाई पूरा नगर्ने अवस्था सिर्जना भएको छ’ उनले भने ।

यसललाई समाधान गर्न कि त राज्यले पूर्वाधार बनाइदिनुपर्यो, होइन भने बसाईसराइलाई रोक्न सक्नुपर्ने उनको भनाइ छ । सहरलाई बस्नलायक बनाउको लागि समयसापेक्ष नीतिगन परिवर्तन र सुरक्षाको प्रत्याभुति पनि उत्तिकै महत्वपूर्ण हुनेमा मेयर आचार्यले जोड दिए ।

अर्कोतर्फ स्थानीय सरकार समुदायसँग जोडिएर अघि बढ्नुपर्ने र छिमेकी पालिकासँग मिलेर काम गर्दा सहरलाई बस्नलायक हुने बताए । पोखरा महानगरपालिकाले ४० वटा परियोजना तय गरेको र त्यसको लागि लगानी गर्न मेयर आचार्यले आब्हान गरे ।

वीरगञ्ज महानगरपालिकाका मेयर राजेशमान सिंहले सहरमा लगानी गर्नु मात्र पर्याप्त नहुने बताए । ‘लगानी गरेपछि के कस्तो भइरहेको छ भनेर अनुगमन अत्यावश्यक हुन्छ’ उनले भने ।

त्यस्तै, सहरी विकास बहुसरोकारयुक्त काम भएकाले सबै निकायबीच समन्वय नभएसम्म प्रभावकारी काम नहुने मेयर सिंहको भनाइ छ ।

विराटनगर महानगरपालिकाका मेयर नागेश कोइरालाले डुवानको समस्या रहेको उल्लेख गरे । ‘न्यून स्रोत भएको कारण एशियाली विकास बैंकसँग सहयोग लिनेबारे छलफल भइरहेको छ’ उनले भने ।

महानगरले चक्रपथ बनाउने भनेर रेखांकन भएको छ, तर त्यो धेरै पहिले थालनी गर्ने भनिएको अझ शुरु गर्न सकिएको छैन् । ‘५ वर्षको अवधिमा न्युनतम पनि १ सय वर्षको लागि हुने दीर्घकालीन हुने गरी काम गर्न शुरु गर्नुपर्छ’ उनले भने ।

एशियाली विकास बैंक, नेपाल आवासिय मिसनका पोर्टफोलियो युनिट प्रमुख अमाउद हेकम्यानले बस्नलायक सहर भनेको त्यस्तो ठाँउ, जहाँ खुसी मिल्ने उल्लेख गरे ।

सहरी विकासमा योजना तर्जुमा साँच्चिकै महत्वपूर्ण हुने बताए । ‘त्यसले मात्र सहरलाई सही दिशातर्फ उन्मुख गराउँछ’ उनले भने । सहरी विकास भनेकै एकिकृत योजना गर्ने र त्यसैअनुसार काम गर्ने ठाँउ हो । उनले सहरी र ग्रामीण अर्थतन्त्रबारे पनि उल्लेख गर्दै दुवैलाई जोड्नुपर्ने उल्लेख गरे ।

खोटाङको दिक्तेल रुपाकोट मझुवागढी नगरपालिकाका मेयर तिर्थराज भट्टराइले पहाडी पालिकाहरुमा एउटा वडादेखि अर्को वडामा पुग्न ६ घण्टासम्म लाग्ने गरेको बताए ।

‘नगरपालिकामा चक्रपथ, हरित नगरपालिका, कृषि पर्यटन र अस्पताल निर्माण गरेपछि बस्नलाई अझ लायक हुनेछ’ उनले भने ।

यस सेसनको मोडरेशन पूर्व सचिव कृष्ण ज्ञवालीले गरेका थिए ।


Read Previous

पूर्वाधार क्षेत्रमा लगानी ल्याउन नयाँ स्रोत परिचालन गर्नुपर्छः-विज्ञ

Read Next

जनता सहभागिता नभएको विकास दिगाे हुन्न : मन्त्री भुसाल

Leave a Reply

Your email address will not be published.