Nepal Purbadhar

शनिबार, अशोज १५, २०७९
Saturday, October 1, 2022

शनिबार, अशोज १५, २०७९
Saturday, October 1, 2022

काठमाडौ विश्वविद्यालयले मिडियामा विश्वसँग प्रतिष्पर्धा गर्ने जनशक्ति उत्पादन गर्ने


काठमाडौ । काठमाडौ विश्वविद्यालयले मिडिया क्षेत्रमा विश्वसँग प्रतिष्पर्धा गर्ने जनशक्ति उत्पादन गर्ने भएको छ ।

काठमाडौ विश्वविद्यालयको भाषा तथा आमसञ्चार विभागले चालु बर्षदेखि सुरु गर्न लागेको स्नाकोत्तर तहमा मिडिया अध्ययनमार्फत विश्वसँग प्रतिष्पर्धा गर्ने जनशक्ति उत्पादन गर्न लागेको हो ।

विभागका प्रमुख डा. सुधांशु दाहालले मिडिया क्षेत्रमा विश्वसँग प्रतिष्पर्धा गर्ने जनशक्ति उत्पादन गर्ने गरी विश्वविद्यालयले स्नाकोत्तर सुरु गर्न लागेको जानकारी दिए । ‘मिडिया क्षेत्रमा आवश्यक जनशक्ति उत्पादनलाई लक्षित गरी हामीले पहिलोपटक अहिलेको बजारको आवश्यकतालाई महशुस गरी मिडियाको स्नाकोत्तर सुरु गर्न लागेका छौ ।’–उनले भने ।

विभागका एशोसियट प्राध्यापक डा. निर्मलहरि अधिकारीले विश्वविद्यालयले सिद्धान्त, विश्लेषण, भाषा र प्रविधिमा विद्यार्थीलाई पोख्त बनाउने गरी स्नाकोत्तरको कक्षा सुरु गर्न लागेको जानकारी दिए । उनका अनुसार, विद्यार्थीले आफूलाई इच्छा लागेको रेडियो, टेलिभिजन, पत्रपत्रिका, अनलाइन, विज्ञापन, जनसम्पर्क, चलचित्र, सरकारका सूचना अधिकारी लगायतका क्षेत्रमा आवश्यक जनशक्ति उत्पादनलाई बढी केन्द्रित गरिएको जानकारी दिए ।

उनले मिडिया क्षेत्रमा सकृय जनशक्तिको क्षमता, दक्षता, ज्ञान र सिप वृद्धिलाई विश्वविद्यालयले प्राथमिकता दिएर भर्ना खोलिएको जानकारी दिए ।

विश्वविद्यालयका अनुसार, २० जना विद्यार्थीका लागि भर्ना खुलिसकेको छ ।


Read Previous

उद्यम योजनाबारे आईडिया हन्ट २०२२ सुरु

Read Next

‘पनौतीमा निजी क्षेत्रलाई लगानी गर्ने वातावरण निर्माण गर्दैछौं’

Leave a Reply

Your email address will not be published.