Nepal Purbadhar

आइतवार, फाल्गुन ४, २०८१
Sunday, February 16, 2025

आइतवार, फाल्गुन ४, २०८१
Sunday, February 16, 2025

ईभी कार किन्न अफर नै अफर, शुन्य ब्याजदरमा काईवी एक्स थ्री प्रो पाइने


काठमाडौं । चिनियाँ विद्युती सवारीसाधन (ईभी) कार बिक्री गर्न कम्पनीहरुले धमाधम अफरहरु ल्याइरहेका छन् ।

चिनियाँ ब्राण्ड काईवीका ब्राण्डको एक्स थ्री प्रो ईभी शुन्य ब्याजदरमा पाइने भएको छ ।

जिओ अटोमोबाइल्सले ५ वर्षसम्म शुन्य ब्याजदरमा उपलब्ध गराउने विशेष अफर ल्याएको विज्ञप्तिमार्फत जनाएको छ । कम्पनीका अनुसार यो अफर नयाँ प्रविधिको अनुभव गर्न चाहने सबैका लागि उपयुक्त छ ।

काईवी एक्स थ्री प्रो ले १२० किलोवाटको मोटर, ५३.६किलोवाट घण्टाको ब्याट्री र ३७० किलोमिटरको उत्कृष्ट रेन्ज प्रदान गर्दछ । यसको २६० एनएम टर्कले रोमाञ्चक र सहज ड्राइभिङ अनुभव दिलाउँछ ।

कम्पनीले यो अफरका लागि थापाथली (नेपाल राष्ट्र बैंकको ठीक अगाडि) मा रहेको काईवी नेपालको सोरूममा आउनुपर्ने बताएको छ । एक्स३ प्रोको दुईवटा भेरिएन्ट नेपाली बजारमा उपलब्ध छ । ५२ लाख ९६ हजार रुपैयाँसम्म पर्ने यो कार २० प्रतिशत डाउन पेमेन्टमा ५ वर्षभित्र तिर्ने गरी खरिद गर्दा ब्याजदर तिर्नुपर्ने छैन् ।

काईवी चिनियाँ गाडी उत्पादक कम्पनी चेरीको सब ब्राण्ड हो । यो कार गएको भदौमा सम्पन्न नाडा अटो शो मार्फत सार्वजनिक गरेको हो । जिओ अटोमोबाइल्स आकाश गोल्छाको कम्पनी हो । उनी नाडाका वरिष्ठ उपाध्यक्ष हुन् । जिओ अटो मोबाइल्स फोर्डको नेपालका लागि आधिकारिक बिक्रेता हो ।


Read Previous

कुलमानले बुझाए स्पष्टीकरण हटाएर देखाउन ऊर्जामन्त्रीलाई चूनौती

Read Next

डिजेलमा ३ र पेट्रोलमा २ रुपैयाँ मूल्य बढ्यो