Nepal Purbadhar

शनिबार, साउन ५, २०८१
Saturday, July 20, 2024

शनिबार, साउन ५, २०८१
Saturday, July 20, 2024

हकप्रद अनुमति दिँदा ५ मेगावाटको आयोजनाले अर्को ५० मेगावाट बनाउँदैछ : दिल्लीबहादुर सिंह


काठमाडौं । विद्युत नियमन आयोगका अध्यक्ष दिल्लीबहादुर सिंहले जलविद्युत आयोजनालाई हकप्रद शेयर जारी गर्न अनुमति दिएपछि ५ मेगावाटको आयोजनाले पनि ५० मेगावाटको अर्को आयोजना बनाउन सुरु गरेको बताएका छन् । स्वतन्त्र ऊर्जा उत्पादकहरूको संस्था, नेपाल (इप्पान) को २१ औं साधारणसभाको उद्‍घाटन कार्यक्रममा बोल्दै अध्यक्ष सिंहले हकप्रदको अनुमति दिँदा राम्रो भएको बताएका हुन् ।

प्रधानमन्त्री पुष्पकमल दाहालको भारत भ्रमणमा ठूलो उपलबब्धी भएको सिंहको भनाइ छ । ‘हिजो ५० मेगावाट बिजुली किनिदिनुस् भन्ने अवस्था थियो । २०० मेगावाट किन्दा पनि दङ्ग पर्थ्याै‌ं । अहिले त एकैपटक १० हजार मेगावाटको सम्झौता भयो । यो निकै ठूलो उपलब्धी हो ।’ उनले भने ।

बंगलादेशसँग विद्युत व्यापारका लागि नेपाल र बंगलादेश दुवैले भारतसँग बाटो माग्ने र डेडिकेटेड प्रसारणलाइन आफै बनाउनुपर्नेमा उनको जोड छ । निजी क्षेत्र रफ्तार रन-वेबाट टेकअफ गरेको र अव यसको उडान निकै टाढासम्म हुनेमा आफू विश्वस्त रहेको उनले बताए ।

निजी क्षेत्रले विद्युत व्यापार गर्ने कुरा आउँदा प्रसारणलाइनको कुरा आउँछ । तर ग्रीड कोड सम्बन्धी निर्देशिका बनाएको ४ महिनासम्म पनि सुझाव नआएको उनको भनाइ छ । अब इपानले सुझाव दिएर यसलाई अन्तिम रुपदिन सहयोग गर्न पनि उनले आग्रह गरे ।

नेपालमा विद्युत उत्पादन बढ्दै गएपनि यसको लागत बढ्दा उत्पादन पनि महँगिएकोमा यसलाई घटाउँदै जानुपर्ने उनले बताए । विदेशमा रहेका पेनसन फण्डको पैसा ल्याएर जलविद्युतमा लगानी गर्न सके उत्पादन सस्तो हुने पनि उनको सुझाव छ । उनले त्यसता फण्डको पैसा सस्तो ब्याजदरमा चलाउन पाइने बताए ।


Read Previous

ऊर्जा मन्त्री बस्नेतले निजी क्षेत्रलाई भने ‘विद्युत व्यापारका लागि तयार हुनुहाेस्,विद्युत विधेयकले अब छिट्टै संसदमा प्रवेश पाउँछ’

Read Next

नख्खु-भैँसेपाटी सडक सम्पन्न   

Leave a Reply

Your email address will not be published. Required fields are marked *