नेपाल पूर्वाधार 
सुदूरपश्चिम प्रदेशका आर्थिक मामिला मन्त्री प्रकाश रावलले आगामी आर्थिक वर्ष २०७९/८० को लागि ३६ अर्ब ७४ करोड ६४ लाख बजेट सार्वजनिक गरेका छन् ।
कुल विनियोजनमध्ये चालुतर्फ १२ अर्ब २९ करोड ५९ लाख अर्थात् ३३.४६ प्रतिशत, पूँजीगततर्फ २४ अर्ब १४ करोड ४७ लाख अर्थात् ६५.७१ प्रतिशत र अन्तरसरकारी वित्त हस्तान्तरण अन्तर्गत १ अर्ब ३६ करोड ४० लाख अर्थात् ३.७१ प्रतिशत र वित्तीय व्यवस्थातर्फ ३० करोड अर्थात् ०.८२ प्रतिशत हुने गरी विनियोजनको गरिएको छ ।
आर्थिक वर्ष २०७९/८० का लागि अनुमान गरिएको खर्च व्यहोर्ने स्रोतमध्ये आन्तरिक राजस्व परिचालनबाट २ अर्ब, संघीय सरकारबाट राजस्व बाँडफाँट भई प्राप्त हुने अनुमानित रकम रू. ९ अर्ब ६० करोड ५१ लाख, संघीय रोयल्टी वाँडफाँट भै प्राप्त हुने रू. ४ करोड ९३ लाख, नेपाल सरकारबाट प्राप्त हुने वित्तीय समानीकरण अनुदान ९ अर्व ७५ लाख र चालु आर्थिक वर्षको विनियोजनबाट बचत हुने अनुमानित रकम ७ अर्ब ५३ करोड ३७ लाख रहेको छ ।
त्यस्तै, सशर्त अनुदानबाट ६ अर्ब ९८ करोड ८० लाख, संघीय समपुरक अनुदानबाट प्राप्त हुने अनुमान गरिएको ७६ करोड ५० लाख र विशेष अनुदानबाट प्राप्त हुने अनुमान गरिएको ७९ करोड १७८ लाख प्राप्त हुने अनुमान गरेएको छ ।
बजेटले सडक पूर्वाधारमा ५ अर्ब ६० करोड, ऊर्जा सिचाइ र नदी नियन्त्रणमा ४ अर्ब ४२ करोड रुपैयाँ विनियोजन गरिएको छ । खानेपानी र सरसफाइमा २ अर्ब ३२ करोड छ भने आवास र भवन मा ५३ करोड रुपैयाँ विनियोजन गरिएको छ ।
पूर्ण पाठसहित: बजेट भाषण २०७९।८० sudurpaschim pradesh
