नेपाल पूर्वाधार 
काठमाडौं । अन्तरिम सरकारकी प्रधानमन्त्री सुशीला कार्कीले आज पदभार गर्ने भएकी छिन् ।
बिहान ११ बजे उनले सिंहदरबारमा पदभार ग्रहण गर्ने कार्यक्रम तय भएको छ ।
भदौ २३ र भदौ २४ मा भएको जेनजी पुस्ताको आन्दोलन र त्यसपछि निर्मित राजनीतिक घट्नाक्रमपछि तत्कालिन प्रधानमन्त्री केपी शर्मा ओलीले राजीनामा दिएका थिए । जेनजी पुस्ताले चयन गरेकी कार्कीलाई राष्ट्रपति रामचन्द्र पौडेलले शुक्रबार राती प्रधानमन्त्रीमा नियुक्ती गर्दै शपथ ग्रहण गराएका थिए ।
कार्की प्रधानमन्त्री भएसँगै संसद पनि विघटन भएको छ ।
आइतबार पदभार ग्रहण गरेपश्चात कार्कीले मन्त्रिपरिषद् पनि विस्तार गर्ने तयारी रहेको छ । तर, मन्त्रि परिषद्को आकार कत्रो हुने र को को मन्त्रि हुने भन्ने विषयमा भने अहिलेसम्म केही सार्वजनिक भएको छैन ।
