नेपाल पूर्वाधार 
काठमाडौं । संघीय सरकारसँग अधिकारको माग गर्दै अनसन सुरु गरेका खोटाङको दिक्तेल रुपाकोट मझुवागढी नगरपालिका तिर्थ राज भट्टराईसँग छलफलका लागि सरकारी टोली माइतीघर पुगेको छ ।
भट्टराईले विभिन्न ७ बुदे माग राखी आज देखि आमरण अनसन सुरु थिए । स्थानीय सरकारले स्थानीय कच्चा पदार्थ प्रयोग गर्न पाउनुपर्छ भन्ने प्रमुख मागसहित उनी अनसनमा छन् । माइतीघरमा अनसनरत रहेका भट्टराईलाई भेटेर सरकारी टोलीले छलफल गरेको छ ।
सहरी बिकास मन्त्रालयका प्रबक्ता नारायण प्रसाद मैनली , सहरी बिकास तथा भवन निर्माणका महा निर्देशक मच्चा काजी महर्जन र उप महानिर्देशक सुनिल कुमार ठाकुर, नगरपालिका संघको केन्द्रीय अध्यक्ष भिम प्रसाद ढुङ्गानाको उपस्थितिमा छलफल भएको हो । तिर्थराजको तर्फबाट उपमेयर सहितको टोली वन मन्त्रालयमा गएर थप छलफल सहमति गर्ने भएको छ।
स्थानीय कच्चा पदार्थ प्रयोग गर्न पाउनुपर्ने माग गर्दै उनले अनसन सुरु गरेका हुन्। स्थानीय कच्चा पदार्थ प्रयोग गर्न संघीय ऐन बाधक भएकाले त्यसलाई संशोधन गर्नुपर्ने उनको मुख्य माग छ ।
उनले ‘पैसा छैन नीति देऊ, आत्मनिर्भर समाज बनाऔँ,’ ‘प्रकृतिको विनास हैन, संरक्षण गरौँ,’ ‘जलवायु परिवर्तनको असर, खोला खोल्सी अनियन्त्रित क्रसर’, ‘प्रकृतिको पूजा गरौँ, प्राणीको अस्तित्व जोगाऔँ,’ लगायतका नारा लेखिएका प्लेकार्ड प्रदर्शन गरेका छन् ।
आइतबार उनले माइतीघर मण्डलामा कपाल मुण्डन गरी सेतो कपडा लगाएर सत्याग्रह सुरु गरेका थिए । माग पूरा नभएपछि उनले आमरण अनसन सुरु गरेका हुन् ।
