नेपाल पूर्वाधार 
काठमाडौं । सडक डिभिजन काठमाडौं अन्तर्गत विभिन्न १० स्थानमा सडक खण्डहरु मर्मतको काम शुरु गरेको छ ।
सडक डिभिजन काठमाडौंका प्रमुख नारायणप्रसाद निहुरेका ठेक्कामार्फत पटके तथा आवधिक मर्मत कार्य शुरु गरिएको हो । ‘अहिले पहिचान भएका स्थानबाहेकका ठाउँमा पनि क्रमश मर्मत गर्ने योजना रहेको छ’ उनले भने ।
डिभिजनले सवारी साधनकाे भीड न्यून भएकाे र रातकाे समयमा मर्मतकाे काम गरिरहेकाे छ ।
बर्खाको कारण धेरै ठाउँमा सडक विग्रीएको र त्यस्ता ठाउँ पहिचान गरेर मर्मतका काम अघि बढाइएको हो । यो कामलाई अर्को बर्खा शुरु हुनुअघिसम्म निरन्तरता दिइने प्रमुख निहुरेले जानकारी दिए ।
मर्मत भइरहेका सडक खण्डहरु:
१. विशालनगर – वालुवाटार – गैह्रीधारा
२. सिनामंगल – डिल्लीबजार –बागबजार
३. डिल्लीबजार – कालिकास्थान – न्युप्लाजा
४. बाँसवारी – बुढानिलकण्ठ
५. तिनकुने – कोटेश्वर
६. कलन्की – एलआरआइ स्कुल, स्युचाटार
७. जोरपाटी – नयाँबस्ती
८. सुकेधारा – जनचोक – कृष्ण मन्दिर – मन्डिखाटार
९. ज्ञानेश्वर – रातोपुल
१०. ताहाचल – छाउनी – स्वयम्भू लगायत अन्य केहि सडक खण्डहरु ।
सडक मर्मतका केही तस्बिरः
