Nepal Purbadhar

बिहिबार, अशोज १३, २०७९
Thursday, September 29, 2022

बिहिबार, अशोज १३, २०७९
Thursday, September 29, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

विद्युत निर्यात परिमाण बढेसँगै उच्च माग १९ सय मेगावाट माथि


काठमाडौं । चालू वर्षको बर्खामा विद्युतको उच्च माग १९ सय मेगावाटबाट उकालो लागेको छ । भारतीय प्रतिस्पर्धी बजारमा भइरहेको निर्यात तथा आन्तरिक मागमा भएको वृद्धिका कारण विद्युतकाे उच्च माग पनि बढ्दै गएको हो ।

यो उच्च मागमा भारततर्फ निर्यात भइरहेको विद्युत परिमाण पनि जोडिएको छ । नेपालतर्फको उच्च माग १६ सय मेगावाट बढी छ । गत वर्ष यहि अवधिमा विद्युतको उच्च माग करिब १७ सय मेगावाट (बिहारमा निर्यातसहित) हाहारीमा थियो ।

विद्युत उत्पादन, आन्तरिक खपत र निर्यात परिमाणमा भएको वृद्धिले अहिलेको उच्च माग १९ सय मेगावाट माथि नै आउने गरेको नेपाल विद्युत प्राधिकरणका प्रवक्ता सुरेशबहादुर भट्टराईले बताए । ‘तराईमा गर्मी बढेको बेला आन्तरिक उच्च माग ह्वात्तै बढिरहेको छ,’ उनले नेपाल पूर्वाधारसँग भने,‘निर्यातसहित अन्य दिनको उच्च माग पनि १९ सय मेगावाट माथि नै आउने गरेको छ ।’

उनले विद्युत बढी खपत हुने बिहान र साँझको समयमा भारततर्फ ३६४ मेगावाट नै विद्युत निर्यात नगरिएको बताए । यो वर्ष बर्खामा अहिलेसम्मको उच्च माग १९ सय ८५ मेगावाटसम्म आएको पनि उनले बताए ।

प्राधिकरणका अनुसार गत बुधबारको उच्च माग १९ सय २ मेगावाट मापन गरिएको छ । आन्तरिक उच्च माग १६ सय १७ मेगावाट छ । आन्तरिक बाहेकको उच्च माग भारततर्फ निर्यात भएको विद्युतको हो । यो बेला भारतर्फ २८५ मेगावाट मात्रै विद्युत निर्यात भएको छ ।

प्राधिकरणले गत जेठ २७ गतेबाट नियमितरूपमा ६ जलविद्युत केन्द्रको विद्युत भारततर्फ निर्या गर्दै आइरहेको छ । यो अवधिमा प्राधिकरणले ४ जलविद्युत केन्द्रको बर्खाको थप १११ मेगावाट विद्युत निर्यातको प्रस्ताव पनि भारतसमक्ष गरेको छ ।

बुधबार प्राधिकरणका जलविद्युतगृहबाट १० हजार २ सय ६१ मेगावाट घन्टा विद्युत उत्पादन भएको छ । प्राधिकरणको सहायक कम्पनीमार्फत सञ्चालित जलविद्युतगृहले १२ हजार ८ सय ९२ मेगावाट घन्टा तथा निजी क्षेत्रका जलविद्युतगृहले १८ हजार ५ सय ९१ मेगावाट घन्टा विद्युत प्रसारण प्रणालीमा योगदान गरेका छन् ।

भारततर्फबाट ५२६ मेगावाटघन्टा विद्युत आयात भएको प्राधिकरणको तथ्यांकमा उल्लेख छ । कूल ऊर्जा माग ४२ हजार २ सय ९५ मेगावाट घन्टा छ । २५ मेगावाट घन्टा विद्युत प्रणालीबाट बिच्छेद भएको थियो । योभन्दा अघिल्लो दिन मंगलबारको उच्च माग १९ सय १२ मेगावाट पुगेको थियो ।

बर्खामा गर्मी बढी हुने हुँदा तराईका जिल्लामा बढी विद्युत खपत हुने गरेको छ भने हिउँदमा चाडो बढी हुने उपत्यकासहित पहाडी तथा हिमाली जिल्लाको उच्च माग बढी हुने गरेको छ ।


Read Previous

‘नेपाल हरित पूर्वाधारमा जानुको विकल्प छैन’

Read Next

बेतन कर्णाली आयोजनाको वातावरणीय अध्ययनका लागि सुझाव माग

Leave a Reply

Your email address will not be published.