Nepal Purbadhar

आइतवार, अशोज १४, २०८०
Sunday, October 1, 2023

आइतवार, अशोज १४, २०८०
Sunday, October 1, 2023
भारतको रियल टाइम मार्केटमा पहिलोपटक ४४ मेगावाट बिजुली बेच्दै नेपाल अर्थमन्त्रीले आफ्नै भूमिका नबुझ्दा एमसीसीमा निम्तियो समस्या, पुनः बोलपत्र र ‘रि–डिजाइन’ ले झन जोखिम बढ्ने एडीबीले आगामी दशकमा एसिया र प्रशान्त क्षेत्रमा १०० अर्ब अमेरिकी डलर लगानी गर्ने पूर्वाधार र कृषिमा सहकार्य गर्न जापान सकारात्मक विश्व बैंक र एडीबी सहायताका आयोजनाको प्रगतिबारे त्रिपक्षीय समिक्षा, आयोजना कार्यान्वयनलाई गति दिने प्रतिवद्धता ‘भूमिगत पानीको दिगो व्यवस्थापनका लागि कानून र राष्ट्रिय निकाय आवश्यक’ सोलुखुम्बुमा मिडल इन्खु जलविद्युत् आयोजना निर्माण हुने ५२ मेगावाटको अपर लाप्चेखोला जलविद्युत आयोजनाको विस्तृत अध्ययनका लागि सम्झौता

इन्दिरा गान्धी अन्तर्राष्ट्रिय विमानस्थमा जलविद्युत र सौर्य विद्युत मात्रै आपूर्ति


काठमाडौं । भारतको दिल्लीस्थित इन्दिरा गान्धी अन्तर्राष्ट्रिय विमानस्थलमा नवीकरणीय ऊर्जाको मात्रै उपयोग हुन थालेको छ । सन् २०३० सम्ममा कार्बन उत्सर्जन नेट शून्यमा ल्याउने भारत सरकारको लक्ष्य पूरा गर्ने उद्देश्यले विमानस्थलका लागि जलविद्युत र सौर्य ऊर्जाको स्रोतबाट उत्पादन भएको विद्युतको उपयोग थालिएको हो ।

जुन महिनाबाट विमानस्थलमा जलविद्युत र सौर्य विद्युत मात्र आपूर्ति भइरहेको भारतीय सञ्चार माध्यमहरूले जनाएका छन् । आवश्यक विद्युत विमानस्थल परिसरमा जडान भएका सौर्य विद्युत प्लान्ट र हिमाञ्चल प्रदेशमा सञ्चालित जलविद्युत आयोजनाबाट आपूर्ति भइरहेको छ ।

इन्दिरा गान्धी अन्तर्राष्ट्रिय विमानस्थल नवीकरणीय ऊर्जाको स्रोतबाट उत्पादन भएको हरित ऊर्जा मात्रै उपयोग गर्ने भारतको पहिलो विमानस्थल बनेको छ । यससँगै विमानस्थलको ऊर्जा माग अनुसारको आपूर्ति पूर्णरूपमा नवीकरणीय ऊर्जामा स्वीच गरिएको हो ।

विमानस्थलमा नवीकरणीय ऊर्जाको मात्रै उपयोग हुँदा वार्षिक २ लाख टन कार्बन उत्सर्जनमा कमि आउने समाचारमा जनाइएको छ । यसले सन् २०३० सम्ममा कार्बन उत्सर्जनलाई नेट शून्यमा झार्ने भारत सरकारको लक्ष्य प्राप्त गर्नका लागि महत्त्वपूर्ण भूमिका खेल्ने भनिएको छ ।

विमानस्थलका लागि आवश्यक कूल ऊर्जाको ६ प्रतिशत विद्युत विमानस्थल बाहिर राखिएको सौर्य ऊर्जा प्लान्टबाट उत्पादन हुनेछ । यो माग परिपूर्तिका लागि विमानस्थलको एयर साइड क्षेत्र र कार्गो टर्मिनलको छतमा सोलार प्यानलहरू लगाइएको छ ।

पहिलो पटक गत जुन १ बाट विमानस्थलले जलविद्युत र सौर्य विद्युतको मात्रै उपयोग गर्न सुरु गरेको हो । यो सँगै विमानस्थलको दुषित ऊर्जाका स्रोतबाट उत्पादन हुने विद्युतमाथिको निर्भरता शून्यमा झरेको छ ।

विमानस्थलमा पूर्णरूपले नवीरकणीय ऊर्जाको आपूर्तिका लागि हिमाञ्चल प्रदेशमा रहेको जलविद्युत उत्पादक कम्पनीसँग विद्युत खरिद सम्झौता (पिपिए) गरेको छ । पिपिए सम्झौता अनुसार सन् २०३६ सम्म यी कम्पनीले विमानस्थललाई जलविद्युत आयोजनाले उत्पादन गरेको विद्युत उपलब्ध गराउनेछन् ।

विमानस्थल परिसरको सौर्य विद्युत आयोजनाबाट ७.८४ मेगावाट र कार्गो टिर्मनलको रुफटपमा ५.३ मेगावाटको सोलार प्लान्ट राखिएको छ । यो उत्पादनले विमानस्थलको ६ प्रतिशत माग व्यवस्थापन हुनेछ । कूल मागको ९४ प्रतिशत विद्युत माग भने जलविद्युतबाट आपूर्ति भइरहेको छ ।


Read Previous

बीमा निर्देशिका खारेज गर्न एक हप्ते अल्टिमेटम

Read Next

मेलम्ची खानेपानी आयोजना (एक खाेज अध्ययन)

Leave a Reply

Your email address will not be published.