Nepal Purbadhar

शुक्रबार, असार ७, २०८१
Friday, June 21, 2024

शुक्रबार, असार ७, २०८१
Friday, June 21, 2024

‘अतिकम विकसित राष्ट्रको पूर्वाधारमा लगानी बढाऊ’


काठमाडौं । नेपालले विकास साझेदारहरुसँग अतिकम विकसित राष्ट्रहरु (एलडीसी) को पूर्वाधार क्षेत्रमा लगानी बढाउन जोड दिएको छ ।

दोहामा आयोजित एलडीसी सम्मेलनलाई सम्बोधन गर्ने क्रममा उपप्रधान एवम् भौतिक पूर्वाधार तथा यातायात मन्त्री नारायणकाजी श्रेष्ठले स्वास्थ्य, शिक्षा, प्रविधी, बैज्ञानिक तथा नवपर्वतनको क्षमता अभिवृद्धि र कृषि क्षेत्रको लागि लगानी गर्नुपर्नेमा जोड दिएको हो । नेपाली प्रतिनिधीमण्डलको नेतृत्व गरी उपप्रधानमन्त्री श्रेष्ठ कतारको राजधानी दोहा पुगेका हुन् ।

उपप्रधानमन्त्री श्रेष्ठले अतिकम विकसित राष्ट्रहरुमा उत्पादकत्व वृद्धि, दीगो उद्योगको स्थापना र निर्यातमा विविधिकरणमार्फत आर्थिक रुपान्तरणको लागि संरचनागत परिवर्तन आवश्यक रहेको बताए । ‘यस्तो परिवर्तन विना अतिकम विकसित राष्ट्रहरुले आफ्नो विकास लक्ष्य प्राप्त गर्न सक्देनन्’ उनले भने ।

अतिकम विकसित राष्ट्रहरुको अर्थतन्त्रले महामारी, द्धन्द्ध र वातावरणीय प्रकोपलगायतका ठूला विश्वव्यापी जोखिमहरु भोगिरहेको उल्लेख गरे । यसकारण पनि विकास साझेदारहरुले विकास सहयोग, लगानी र प्रविधी हस्तान्तरणलाई प्राथमिकतामा राख्नुपर्ने उनको भनाइ छ ।

उपप्रधानमन्त्रीले अतिकम विकसित राष्ट्रहरु वातावरणीय प्रकोपबाट सबैभन्दा बढी प्रताडित रहेको र वतावरणीय लगानी संयन्त्रमार्फत तत्काल आवश्यक स्रोत जुटाउनुपर्ने बताए । ‘यस प्रक्रियाबाट मात्र अतिकम विकसित देशहरुमा हुने क्षतिलाई सरलीकरण गर्न र अनुकुलन तथा न्युनीकरण गनृको लागि सहयोग पुग्नेछ’ उनले भने ।

नेपालले विश्वव्यपापी दीगो विकास योजनाहरुको एजेण्डा, पेरिस सम्झौतालाई प्रभावकारी कार्यान्वयनको लागि आन्तरिकीकरण गरिसकेको जानकारी दिए । त्यस्तै, सन् २०४५ भित्र कार्वन उत्सजनलाई शुन्यमा झार्ने प्रतिवद्धतालाई पनि दोहोर्याए । त्यस्तै, उपप्रधानमन्त्री श्रेष्ठले नेपाल अतिकम विकसित देशको तहबाट विकासशील देशको तहमा स्तरोन्नति हुने प्रक्रिया अघि बढिरहेको बताए ।

सम्मेलनकै अवसरमा उपप्रधानमन्त्री श्रेष्ठले संयुक्त राष्ट्र संघका महासचिव एन्टोनियो गुटेरेससँग भेट गरेका छन् । भेटमा दुई पक्षीय सहयोग अभिवृद्धि र शान्ति स्थापनालगायतका विषयमा छलफल भएको छ । नेपाली प्रतिनिधीमण्डलले दोहास्थित नेपाली समुदायसँग पनि भेट गरेको छ ।


Read Previous

नारायणगढ–मुग्लिन सडक खण्ड दिउँसो बन्द नहुने

Read Next

तनहुँ जलविद्युत् आयोजनाकाे भाैतिक प्रगति ३४ प्रतिशत पूरा

Leave a Reply

Your email address will not be published.