Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

असन्तुलित बजेट खर्च प्रवृत्तिको निरन्तरता, असारमा मात्र दैनिक साढे सात अर्ब


काठमाडौ । संघीय गणतन्त्रसहितको नयाँ संविधानले प्रत्येक बर्षको जेठ १५ गते संघ तोकेको छ भने असार १ गते प्रदेश र असार १० गतेसम्म स्थानीय सरकारलाई बजेट तथा कार्यक्रम पेश गर्ने समय तोकिएको छ ।

२०७२ साल अघिसम्म असार ३१ गते बजेट ल्याउने र अख्तियारी नाममा ढिलाई हुँदा खर्च कमजोर भएको भन्दै जेठ १५ गते बजेट ल्याउँदा खर्च बढी हुने  तथा असारमा आएर सबैभन्दा बढी खर्च हुने प्रवृत्ति अन्त्य हुने गरी संविधानमै यस्तो व्यवस्था गरिएको थियो तर अवस्था भने अझै उही छ ।

असार महिना लागेपछिको २८ दिनको बेलुका साढे ६ बजेसम्मको महालेखा नियन्त्रकको कार्यालयको तथ्यांक अनुसार, यही बीचमा २ खर्ब ९ अर्ब खर्च भएको छ । जुन दैनिक रुपमा ७ अर्ब ४६ करोड बराबरको खर्च हो ।

११ महिनाको खर्च  (अर्ब) २८ दिनको खर्च (अर्ब)
८१४.५४ १३८.९४
१३७.९६ ५३.७०
८३.१० १६.५०
जम्मा                                                        १०३५.६   जम्मा                                                           २०९

सरकारले चालु वर्ष २०७८/०७९ मा १६ खर्ब ३२ अर्ब ८२ करोड ९२ लाख बजेट विनियोजन गरेकोमा चालुतर्फ १० खर्ब ६५ अर्ब २९ करोड, पुँजीगत खर्च ३ खर्ब ७८ अर्ब ९ करोड र वित्तिय खर्च १ खर्ब ८९ अर्ब ४३ करोड रुपैयाँ छ । चालु बर्ष सकिन केही दिन मात्र बाँकी रहँदा प्रतिशत ७६.२३ प्रतिशत बजेट खर्च भएको महालेखा नियन्त्रकको कार्यालयले जनाएको छ ।

कार्यालयका अनुसार, मंगलबार साँझसम्म चालु ८९.५० प्रतिशत अर्थात ९ खर्ब ५३ अर्ब ४८ करोड, प्ुँजीगत खर्चतर्फ ५०.६९ प्रतिशत अर्थात १ खर्ब ९१ अर्ब ६६ करोड तथा वित्तियतर्फ ५२.५८ प्रतिशत अर्थात ९९ अर्ब ६० करोड खर्च भएको छ ।

नेपाल राष्ट्र बैकले सोमबार सार्वजनिक गरेको तथ्यांक अनुसार ११ महिनामा चालुतर्फ ८ खर्ब १४ अर्ब ५४ करोड, पुँजीगततर्फ १ खर्ब ३७ अर्ब ९६ करोड तथा वित्तिय ८३ अर्ब १० करोड खर्च भएको थियो । यसपछिको २८ दिन मात्र चालु खर्चतर्फ १ खर्ब ३८ अर्ब ९४ करोड, पुँजीगततर्फ ५३ अर्ब ७० करोड र वित्तियतर्फ १६ अर्ब ५० करोड खर्च भएको छ । पुँजीगत खर्चतर्फ मात्र झण्डै २८ प्रतिशत खर्च असारमा मात्र भएको छ ।


Read Previous

चालू वर्षमा ७१८ मेगावाट विद्युत प्रणालीमा थपियाे,२५ आयोजनाले उत्पादन सुरु गरे

Read Next

नबिलले गर्यो एकिकृत कारोबारको सुरुवात

Leave a Reply

Your email address will not be published.