काठमाडौं । सरकारले आगामी आर्थिक वर्ष (२०८०/८१) का लागि उद्योगमा पहुँच सडक र प्रसारण लाइन पुर्याउन बजेट विनियोजन गरेको छ । अर्थमन्त्री प्रकाशशरण महतले सोमबार संघीय संसदमा बजेट प्रस्तुत गर्दै चालू आवको कार्यक्रमलाई निरन्तरता दिँदै सडक र प्रसारण लाइन निर्माण गर्न ४६ करोड रुपैयाँ बजेट विनियोजन गरिएको घोषणा गरेका हुन् ।
यो बजेट सिमेन्ट तथा फलामजन्य उद्योगहरूमा सडक तथा माग बमोजिमको विद्युत पहुँच पुर्याउन प्रसारण लाइन निर्माणमा खर्च खरिनेछ ।
