Nepal Purbadhar

बुधबार, माघ १८, २०७९
Wednesday, February 1, 2023

बुधबार, माघ १८, २०७९
Wednesday, February 1, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

ऊर्जा क्षेत्रकाे ५ वर्षिय रणनीतिक योजना बनाउन कार्यदल गठनकाे निर्णय गरेकाे छु-मन्त्री लिङ्देन


काठमाडौं । उपप्रधान एवं ऊर्जा, जलस्रोत तथा सिँचाइ मन्त्री राजेन्द्र लिङ्देनले ऊर्जा, जलस्रोत र सिँचाइ क्षेत्रको विकासका लागि रणनीतिक योजना बनाएर काम गर्ने बताएका छन् । मंगलबार राष्ट्रपति कार्यालय शितल निवासमा पद तथा गोपनियताको सपथ लिई मन्त्रालयमा पदभार ग्रहण गरेपछि सम्बोधन गर्दै उनले यस्तो बताएका हुन् ।

उनले ऊर्जा, जलस्रोत तथा सिँचाइ क्षेत्रको योजनाबद्ध विकास गर्नका लागि रणनीतिक योजना बनाउन मन्त्रालयका सहसचिवको संयोजकत्वमा ३ कार्यदल गठन गरिएको मन्त्री स्तरीय निर्णय गरे । ‘ऊर्जा, जलस्रोत तथा सिँचाइ क्षेत्रको विकास गर्न योजना चाहिन्छ’, उनले भने,‘सोही अनुरुप ५ वर्षिय रणनीतिक योजना बनाएर काम गर्न कार्यदल गठन गर्ने निर्णय भएको छ ।’

उनले अब प्राथमिकताको क्षेत्र निर्धारण गरी काम गर्ने तथा विगतमा भएका कामको अनुभवलाई पनि आधार बनाएर अगाडि बढ्ने प्रतिबद्धता जनाए । उनले योजनाबद्ध ढंगले काम गर्न सकेमा मात्रै परिणाम राम्रो आउने हुँदा रणनीतिक योजना बनाउन निर्णय गरेको बताए ।

ऊर्जा, जलस्रो तथा सिँचाइ मन्त्रालयको जिम्मेवारी बहन चुनौतीपूर्ण भएपनि अवसरकोरूपमा उपयोग गरेर परिणाममुखी बनाउने उनले दाबी गरे । राष्ट्रिय प्रजातन्त्र पार्टी (राप्रपा) का अध्यक्ष लिङ्देन मंगलबार नै ऊर्जा, जलस्रोत तथा सिँचाइ मन्त्री नियुक्त भएका हुन् ।

यस्तै, राप्रपाबाटै ऊर्जा, जलस्रोत तथा सिँचाइ राज्यमन्त्री बनेका दीपक सिंहले पनि पद तथा गोपनियताको सपथ लिई पदभार ग्रहण गरेका छन् ।


Read Previous

विकासे मन्त्रालयमा को भए मन्त्री ?

Read Next

पर्यटकीय गन्तव्य बन्दै बागलुङको ‘शङ्खे पहरा’

Leave a Reply

Your email address will not be published.