Nepal Purbadhar

शनिबार, फाल्गुन १२, २०८०
Saturday, February 24, 2024

शनिबार, फाल्गुन १२, २०८०
Saturday, February 24, 2024

आयल निगममा २० वर्ष सेवा गरेका कर्मचारी दीर्घसेवा पदकबाट सम्मानित


काठमाडौं । नेपाल आयल निगमले २० वर्ष सेवा अवधि पूरा गरेका कर्मचारीलाई दीर्घसेवा पदकबाट सम्मान गरेको छ । निगमले ५३औं वार्षिकोत्सवको अवसर पारी मंगलबार १२ जना कर्मचारीलाई दीर्घसेवा पदकबाट सम्मान गरेको हो । निगमको टेकुस्थित कार्यालयमा आयोजित कार्यक्रममा लामो समय निरन्तर सेवामा रहेका कर्मचारीलाई कदरपत्र र दोसल्ला ओढाएर सम्मान गरिएको छ ।

बाणिज्य तथा आपूर्ति मन्त्रालयका सचिव एवं निगम सञ्चालक समितिका अध्ययन मधुकुमार मरासिनीले कर्मचारीलाई कदरपत्रसहित दोसल्ला ओढाएर सम्मान गरे । दीर्घसेवा पदकबाट सम्मानित हुने कर्मचारीमा सुरज शाह, विनितमणि उपाध्याय, पर्शुराम अधिकारी, ध्रुवकुमार निरौला, नन्दराज खत्री छन् । श्यामकुमार श्रेष्ठ, वीरेन्द्रकुमार काब्री, विश्वराज बख्रेल पनि दीर्घसेवा पदकबाट सम्मानित भएका छन् ।

यस्तै, दीर्घसेवा पदक पाउने अन्य कर्मचारीमा सुवर्णकुमार सुवाल, कैशालबहादुर अधिकारी र तोयानाथ ढुंगेल छन् । अघिल्लो आर्थिक वर्षमा कोभिड–१९ महामारीका कारण निगमको वार्षिकोत्सव कार्यक्रम आयोजना हुन नसकेको हुँदा यो बेला दीर्घसेवा पदक लिन नपाएका ३ जना कर्मचारीलाई पनि मंगलबार नै पदकबाट सम्मान गरिएको छ ।

निगमले अघिल्लो आर्थिक वर्षमा दीर्घसेवा पदकका लागि नाम छनोट भएका सनम कार्की, नवराज पोखरेल र सुजित पोखरेललाई मंगलबार नै कदरपत्र र दोसल्ला ओढाएर सम्मान गरेको छ । यस्तै, निगमका संस्थापक प्रबन्ध निर्देशक सुवर्णविक्रम थापाको स्मृतिमा स्थापित ‘सुवर्ण स्मृति’ पुरस्कार तुलसीनारायण छुबाजुलाई प्रदान गरिएको छ ।

निगमको सेवामा रही उत्कृष्ट कार्य सम्पादन गरेको कदर स्वरूप उनलाई यो पुरस्कार दिइएको हो । पुरस्कारको राशी ५१ हजार रुपैयाँ छ । निगमको विभिन्न डिपोमा रही सेवा प्रवाह गरेका ५ जना कर्मचारीलाई पनि २५ हजार रुपैयाँ राशीको पुरस्कार दिइएको छ ।

पुरस्कार पाउनेमा अर्थ विभागका उपप्रबन्धक डिल्लीराम तिवारी, मधेश प्रदेश कार्यालय अमलेखगञ्जका इन्जिनियर ऋषिराम शर्मा, बरिष्ठ सहायक शाखा कार्यालय चारआलीका शालिक बुढाथोकी, नेपालगञ्ज हवाई इन्धन डिपोका बरिष्ठ सहायक सरद श्रेष्ठ र विराटनगर प्रादेशिक कार्यालयका बरिष्ठ सहायक सीताराम चौधरी छन् ।

वार्षिकोत्सव कार्यक्रममा खेलकुद प्रतियोगिता एवं साहित्यिक कार्यक्रमका विजेता कर्मचारीलाई पनि पुरस्कार वितरण गरिएकाे थियाे ।


Read Previous

सन् २०२२ मा मंगोलियामा दुई लाख ९० हजारबढी विदेशी पर्यटक भित्रिए

Read Next

पेट्रोल पम्पलाई स्वचालित र गुणस्तरीय बनाउन व्यवसायीलाई सचिव मरासिनीको आग्रह

Leave a Reply

Your email address will not be published.