Nepal Purbadhar

बुधबार, मंसिर २१, २०७९
Wednesday, December 7, 2022

बुधबार, मंसिर २१, २०७९
Wednesday, December 7, 2022

अरुण काबेलीमा नयाँ सञ्चालक नियुक्त,१ः१ हकप्रद सेयर निष्कासनको प्रस्ताव पारित


काठमाडौं । अरुण काबेली पावर लिमिटेडकाे नयाँ सञ्चालक समिति गठन गरिएको छ । कम्पनीको बुधबार सम्पन्न १२औं साधारण सभाले गुरूप्रसाद न्यौपानेको अध्यक्षतामा नयाँ सञ्चालक समितिका पदाधिकारी नियुक्त गरेको हो ।

रमेशप्रसाद न्यौपाने, जीवनराज शाक्य, सलिना नेपाल र शास्वत चालिसेलाई सञ्चालक समिति सदस्यमा नियुक्त गरिएको कम्पनीले जनाएको छ । कम्पनीका अनुसार साधारणसभाबाट सेयरधनीलाई १०.५२ प्रतिशत बोनस सेयर दिने प्रस्ताव पनि पारित भएको छ ।

साधारणसभाले प्रस्ताव पारित गरेसँगै अब बोनस सेयर सेयरधनीको खातामा जाने प्रक्रिया सुरु हुने कम्पनीले जनाएको छ । कम्पनीले आर्थिक वर्ष २०७८/७९ मा विद्युत बिक्री तथा अन्य स्रोतबाट आर्जन गरेको आम्दानीको मुनाफाबाट आफ्ना सेयरधनीलाई बोनस सेयर दिन लागेको हो ।

सेयरधनीले १० प्रतिशत बोनस सेयर र कर प्रयोजनका लागि ०.५२ प्रतिशत नगद लाभांश पाउनेछन् । साधारणसभाले कम्पनीको चुक्ता पुँजीको १ः१ अनुपातमा हकप्रद सेयर निष्कासन गर्ने प्रस्ताव पनि पारित गरेको छ । साधारणसभाबाट प्रस्ताव पारित भएकाले अब हकप्रद सेयर निष्कासनको प्रक्रिया अगाडि बढाउने जानकारी कम्पनीले दिएको छ ।

कम्पनीले प्रदेश–१ मा २५ मेगावाटको अरुण काबेली ‘बि-१ जलविद्युत आयोजना निर्माण गरेको छ । ताप्लेजुङ र पाँचथरको सीमाको काबेली नदीमा निर्माण भएको आयोजनाले विद्युत उत्पादन गर्दै आइरहेको छ ।


Read Previous

जयनगर–कुर्था रेल सञ्चालन भाेलीदेखि ४ दिन बन्द हुने

Read Next

सुर्खेत विमानस्थलमा एटिआर जहाजको परीक्षण उडान

Leave a Reply

Your email address will not be published.