मन्त्रिपरिषद् निर्णय: नियुक्ति देखि धानको समर्थन मूल्य निर्धारणसम्म

काठमाडौं। प्रधानमन्त्री तथा मन्त्रिपरिषद्को कार्यालय सिंहदरबारमा सोमबार बसेको मन्त्रिपरिषद् बैठकले चालु आर्थिक वर्षका लागि धानको समर्थन मूल्य निर्धारण गरेको छ ।

यसवर्षका लागि मोटो धानको समर्थन मूल्य प्रति क्विन्टल तीन हजार ६६० रुपैयाँ र मध्यम धानको समर्थन मूल्य प्रति क्विन्टल तीन हजार ८६० रुपैयाँ कायम गर्ने निर्णय गरेको हो ।

सरकारका प्रवक्ता सस्मित पोखरेलका अनुसार बैठकले सहकारी बेथितिसम्बन्धी जाँचबुझ आयोगको प्रतिवेदन सार्वजनिक गर्ने निर्णय पनि गरेको छ ।

सरकारले किसानलाई उचित मूल्य सुनिश्चित गर्न र बजारमा धानको मूल्य स्थिर राख्ने उद्देश्यले हरेक वर्ष समर्थन मूल्य तोक्दै आएको छ ।

यस्तै, सरकारले नेपाल नागरिक उड्डयन प्राधिकरण (क्यान) को महानिर्देशकमा सहसचिव मुकेश डंगोललाई नियुक्त गर्ने निर्णय गरेको छ ।

बैठकले संस्कृति, पर्यटन तथा नागरिक उड्डयन मन्त्रालयका सहसचिव डंगोललाई क्यानको महानिर्देशक नियुक्त गर्ने निर्णय गरेको सरकारका प्रवक्ता तथा शिक्षा, विज्ञान एवं खेलकुदमन्त्री सस्मित पोखरेलले जानकारी दिए ।

बैठकले सहकारीमा भएको बेथितिसम्बन्धी जाँचबुझ आयोग, २०८२ को प्रतिवेदन सार्वजनिक गर्ने निर्णय पनि गरेको छ ।

त्यसैगरी सरकारले आर्थिक वर्ष २०८३/८४ का लागि वर्षे धानको न्यूनतम समर्थन मूल्य निर्धारण गरेको छ । मन्त्रिपरिषद्ले मोटा धानको समर्थन मूल्य प्रति क्विन्टल तीन हजार ६६० रुपैयाँ र मध्यम धानको समर्थन मूल्य प्रति क्विन्टल तीन हजार ८६० रुपैयाँ कायम गर्ने निर्णय गरेको हो ।

मन्त्रिपरिषद् बैठकले नेपाल–चीन जोड्ने चिलिमे–केरुङ विद्युत् प्रसारण लाइन आयोजनाको कार्यान्वयनका लागि चीन सरकारलाई पठाइने ‘लेटर अफ रिप्लाइङ’ स्वीकृत गर्ने निर्णय पनि गरेको मन्त्री पोखरेलले बताए ।