नेपाल पूर्वाधार कपिलवस्तु । कपिलवस्तुको यशोधरा गाउँपालिका–६ रङपुरमा विद्युतीय दुर्घटनामा परी नेपाल विद्युत प्राधिकरणमा कार्यरत एक जना कर्मचारीकाे मृत्यु भएकाे छ । वितरण लाइनकाे ट्रान्सफर्मर बनाउने क्रममा ३२ वर्षीय हरिसचन्द्र मिश्रकाे करेन्ट लागेर एकजनाको मृत्यु भएको हाे ।
उनी विद्युत् प्राधिकरणकाे तौलिहवा वितरण केन्द्रमा कार्यरत ज्यालादारी कर्मचारी हुन् । उनी जिल्लाकाे यशोधरा–२ गणेशपुरका बासिन्दा हुन् । सोमबार हावाहुरीसँगै आएको पानीले गर्दा रङ्पुरमा रहेको ट्रान्सफर्मर बिग्रिँदा विद्युत् अवरुद्ध बनेको थियो ।
सोही ट्रान्सफर्मर बनाउने क्रममा करेन्ट लागेर मिश्रको मृत्यु भएको विद्युत् प्राधिकरण तौलिहवा वितरण केन्द्रले जनाएको छ । विद्युत प्राधिकरणमा कार्यरत कर्मचारीले विद्युतीय सुरक्षाकाे पालना नगर्दा यस प्रकारका दुर्घटना हुने गरेकाे छ ।
Tags: #विद्युतीय दुर्घटना
