Nepal Purbadhar

शुक्रबार, माघ २०, २०७९
Friday, February 3, 2023

शुक्रबार, माघ २०, २०७९
Friday, February 3, 2023

नेपाल हस्पिटालिटी कन्क्लेभ असोजमा हुने


काठमाडौं । कोभिड–१९ का कारण रोकिदै आएको नेपाल हस्पिटालिटी कन्क्लेभ असोजमा हुने तय भएको छ ।  होटल संघ नेपालका अनुसार असोज ९ गते आइतबार कन्क्लेभ हुने तय भएको हो ।

असोज ८ मा आयोजना हुन गइरहेको संघको अर्धवार्षिक साधारणसभाका बखतसम्मेलनको समेत उद्घाटन गर्ने कार्यक्रम छ ।

लामो समयदेखि तयारी गरिएको नेपालकै पहिलो आतिथ्यता एक दिवसीय सम्मेलनमार्फत होटल क्षेत्रमा देखिएका, भोगिएका र भविष्यमा आउन सक्ने समस्याहरुको समाधान खोज्न सहयोग पुग्ने प्रकारका सत्रहरु उक्त सम्मेलनमा सञ्चालन गरिनेछ ।

कोभिड–१९ को महामारीबाट पुनरुत्थानका क्रममा रहेको व्यवसायलाई चलायमान बनाउन नयाँ तरिकाको बजारीकरण गरिनुका साथै केही नयाँ अभ्यासहरु प्रयोग गर्दै नेपाली होटल उद्योगको स्तरीयता कायम राख्न र समग्र पर्यटनको विकासका लागि यस सम्मेलनले केन्द्रीय भूमिका खेल्ने विश्वास लिइएको छ ।

विभिन्न सत्रमा होटल सञ्चालमा नीतिगत, दीर्घकालिन रुपमा होटलका विभिन्न विभागहरुमा प्रभावकारी हुने हुँदा सोही अनुसारका सुझावहरु नेपाल सरकारका सम्बन्धित निकायमा प्रस्तुत गरिने होटल संघ नेपालकी अध्यक्ष सृजना राणाले जानकारी दिइन ।

अर्धवार्षिक साधारणसभा र आतिथ्यता सम्मेलन दुवै दिन होटलहरुमा प्रयोग हुने वस्तु, सेवा तथा सामग्रीहरु उपलब्ध गराउने कम्पनी तथा व्यवसायीहरुलाई समेटी वृहत प्रदर्शनी रहने छ । संघबाट प्रकाशित गरिएको कफि टेबुल बुकको विमोचन कार्यक्रम समेत तय गरिएको छ ।


Read Previous

‘पूर्वाधारमा पुँजीगत खर्च कम हुनुमा परियोजना व्यवस्थापनमै कमजोरी’

Read Next

विद्युत नियमन आयोगको सार्वजनिक सुनुवाईमा उपस्थित हुने बारे

Leave a Reply

Your email address will not be published.