Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै दरबाङ-म्याग्दीखोला जलविद्युत् आयोजनाको दोस्रो अडिटमा सुरुङको काम सुरु एमसिसी परियोजना अन्तर्गतको रातमाटे सबस्टेसन निर्माणको जिम्मा टेक्नो इलेक्ट्रिक एण्ड इञ्जिनियरिङ कम्पनीलाई

सालझण्डी-ढोरपाटन सडक कालोपत्रे किन ?


काठमाडौं । निवर्तमान शहरी विकास मन्त्री रामकुमारी झाँक्रीले सालझण्डी-ढोरपाटन सडक कालोपत्रे गर्नको लागि स्रोत सुनिश्चितता र बहुवर्षिय योजना स्वीकृतिको लागि पहल थालेकी छन् । सालझण्डी-ढोरपाटन सडकअन्तर्गत अर्घाखाँची सडक खण्डको लागि ५२ करोड र गुल्मी–बाग्लुङ खण्डको सौतामारे–पुर्कोट–गगरे खण्ड सडक कालोपत्रे गर्न १ अर्ब ८५ करोड स्रोत सुनिश्चितता र बहुवर्षिय योजना स्वीकृत गर्न पहल थालेकी हुन् ।

उनले स्रोत सुनिश्चितता पछि खरिद प्रक्रिया अगाडी बढाउन स्वीकृतिको लागि अर्थ मन्त्रालय पठाउन समेत आग्रह गरेकी छन् ।भौतिक पूर्वाधार तथा यातायात मन्त्रालयका सचिव गोपालप्रसाद सिग्देल र राष्ट्रिय योजना आयोगका सचिव केवल भण्डारीसँग भेटेर यो पहल गरेकी हुन् ।

राष्ट्रिय योजना आयोगले २० करोडभन्दा माथिकालाई बहुवर्षिय योजनाको रुपमा स्वीकृत गर्नुपर्छ । त्यस्ता योजना स्वीकृतिका लागि बहुवर्षिय ठेक्का सम्बन्धी मापदण्ड २०७८ मा व्यवस्था भएअनुसार अर्थ मन्त्रालय पठाउनुपर्छ ।

गुल्मीस्थित सौतामारेदेखि पुर्कोट दह म्यालपोखरी, सिर्सेनी, अर्खाबाङ हुँदै गगरेसम्मको सडक लामो समयदेखि यत्तिकै अलपत्र छ । यसअघि राजनीतिक खिचातानीको कारण बजेट विनियोजन नहुने र भएको बजेट पनि काम नभएर फ्रिज हुँदा काम रोकिँदै आएको छ ।

भेटमा भौतिक पूर्वाधार तथा यातायात मन्त्रालयका सचिव गोपालप्रसाद सिग्देलले आफूहरूको तर्फबाट तत्काल बजेट निकासा र बहुवर्षिय ठेक्काको लागि ढिलाइ नहुने बताए । राष्ट्रिय योजना आयोगका सचिव केवल भण्डारीले उक्त आयोजनाको फाइल प्रक्रिया अगाडी बढाई अर्थ मन्त्रालयमा पठाउन कर्मचारीलाई निर्देशन दिए ।

यसकारण सालझण्डी-ढोरपाटन सडक कालोपत्रे

यो सडक निर्माण हुँदा बुटवलबाट अर्घाखाँची र गुल्मीको यात्रा छोटिन्छ । लुम्बिनी भ्रमणमा आउने पर्यटकहरू समेत ढोरपाटनमा घुम्नलाई सहजता हुनेछ ।
पूर्वमन्त्री झाँक्रीले सडक कालोपत्रेपछि त्यो क्षेत्रका जनतालाई आवत जावतमा सुगम हुने, ढुवानी सस्तो भई राहत पुग्नेछ । गुल्मी र अर्घाखाँची जिल्लाको लाइफ लाइनका रूपमा रहेको उनको भनाइ छ ।

मुलुकको एकमात्र हिमाली शिकार आरक्ष ढोरपाटनसम्म सडकको सहज पहुँचमा जोडिएपछि आन्तरिक तथा बाह्य पर्यटकका कारण सो क्षेत्रको आर्थिक अवस्थामा समेत सुधार हुने अपेक्षा छ । यो सडक निर्माणपछि सिकार आरक्षण क्षेत्र जाने पर्यटकलाई मात्र सुगम हुने छैन, होटल, रिसर्ट, प्याराग्लाइडिङ, गल्फ, ट्रेकिङ, हाइकिङ, होमस्टे लगायतका पर्यटकीय गतिविधिले बढवा पाउनेछ ।

बाह्य र आन्तरिक पर्यटकले विविध सांस्कृतिक प्राकृतिक सौन्दर्यताको आनन्द लिने मौका लिनेछन् । सडक कालोपत्रे भएपछि यो क्षेत्रको आर्थिक क्रियाकलाप बढ्नेछ


Read Previous

पालो कुरिरहेका नदी प्रवाही आयोजनाको पीपीए हुन्छः ऊर्जा मन्त्री भुषाल

Read Next

महत्त्वकांक्षी डिजिटल नेपाल फ्रेमवर्कको कार्यान्वयन सुस्त

Leave a Reply

Your email address will not be published.