नेपाल पूर्वाधार 
अष्ट्रेलियाले ठूला औद्योगिक कम्पनीहरू, विशेषगरी खानी क्षेत्र, लाई उत्पादनस्थलमै प्रदूषण उत्सर्जन घटाउन आग्रह गरेको छ । प्रमुख खानी कम्पनीहरूले कार्बन उत्सर्जन न्यूनीकरणसम्बन्धी केही महत्वपूर्ण योजनाहरू पछाडि सारेको समाचार सार्वजनिक भएपछि सरकारको यस्तो प्रतिक्रिया आएको हो ।
जलवायु परिवर्तन तथा ऊर्जामन्त्री क्रिस बोवेनले अष्ट्रेलियाको उत्सर्जन नियन्त्रणसम्बन्धी ‘सेफगार्ड मेकानिज्म’ अन्तर्गत ठूला उद्योगहरूलाई केही लचकता दिइए पनि प्राथमिकता उत्पादनस्थलमै प्रत्यक्ष प्रदूषण घटाउनुपर्ने बताएका छन् । उनका अनुसार यो व्यवस्था सबै सम्बन्धित कम्पनीमा लागू हुन्छ ।
सञ्चारमाध्यममा सार्वजनिक गोप्य कागजातअनुसार अष्ट्रेलियाको सबैभन्दा ठूलो डिजेल प्रयोगकर्ता खानी कम्पनीले नवीकरणीय ऊर्जा परियोजना र डिजेलबाट चल्ने उपकरणलाई विद्युतीय प्रणालीमा रूपान्तरण गर्ने योजना ढिलाइ गरेको देखिएको छ । यसले कम्पनीको सन् २०५० सम्म शून्य उत्सर्जन लक्ष्यमाथि प्रश्न उठाएको छ ।
स्वतन्त्र सांसद केट चेनीले वर्तमान प्रणाली पर्याप्त कडा नभएको टिप्पणी गर्दै कम्पनीहरूले प्रत्यक्ष उत्सर्जन घटाउनुको सट्टा कार्बन क्षतिपूर्ति खरिद गरेर लक्ष्य पूरा गर्न सक्ने अवस्था रहेको बताइन् । उनले डिजेलमा दिइने कर छुटले पनि उत्सर्जन न्यूनीकरण प्रयास कमजोर बनाएको भन्दै ठूला नाफामुखी कम्पनीका लागि यस्तो सुविधा सीमित गर्नुपर्ने धारणा राखिन् ।
तर कम्पनीले भने सन् २०२० को तुलनामा हालसम्म ३६ प्रतिशत उत्सर्जन घटाइसकेको र सन् २०५० सम्म शून्य उत्सर्जनको लक्ष्यप्रति प्रतिबद्ध रहेको जनाएको छ । प्राविधिक सी
