Nepal Purbadhar

शनिबार, साउन ५, २०८१
Saturday, July 20, 2024

शनिबार, साउन ५, २०८१
Saturday, July 20, 2024

निगमले यो पटक पेट्रोलियम पदार्थकाे मूल्य समायोजन नगर्ने, १२ अर्ब बढी बक्यौता तिर्न बाँकी


काठमाडौं । नेपाल आयल निगमले यस पटक पेट्रोलियम पदार्थको मूल्य समायोजन नगर्ने भएको छ । भारतीय आयल कर्पोरेशन (आइओसी) ले पेट्रोलियम पदार्थको मूल्य घटाएर सूची पठाएको भएपनि आन्तरिक बजारमा मूल्य समायोजन नहुने भएको हो ।

यो पटक स्थानीय बजारमा पेट्रोलियम पदार्थको मूल्य घटाएर समायोजन नगरिने निगमका प्रवक्ता मनोज ठाकुरले बताए । उनका अनुसार निगमले सरकार र आइओसीलाई अझै १२ अर्ब रुपैयाँ भन्दा बढी बक्यौता तिर्न बाँकी रहेकाले यस पटक मूल्य समायोजन नगरिने भएको हो ।

‘लामो समय घाटा बेहोर्नुपरेकाले निगमले सरकारलाई अझै ६ अर्ब ३० करोड रुपैयाँ तिर्न बाँकी छ,’ उनले भने, ‘आइओसीलाई पनि ६ अर्ब रुपैयाँ बराबरको बक्यौता दिनु छ । यही कारण पनि यो पटक घटाएर मूल्य समायोजन गर्ने योजना छैन ।’ उनले अहिले निगमको संचित नोक्सानी भने नरहेको स्पष्ट पारे ।

आइओसीले पछिल्लो पटक पठाएको मूल्य सूची अनुसार पेट्रोलमा प्रतिलिटर ४.३५ रुपैयाँ, डिजेलमा ४.१६ रुपैयाँ मट्टीतेलमा ३.४८ रुपैयाँ घटाएर पठाएको निगमले जनाएको छ । आन्तरिक हवाई इन्धनमा पनि प्रतिलिटर २.९५ रुपैयाँ र एलपि ग्यासमा ३०९ रुपैयाँ घटेर आएको छ ।

ग्यासमा यो पटक मूल्य घटेर आएपनि अझै २१८ रुपैयाँ घाटा नै रहेको ठाकुरले बताए । ‘ग्यास आयातमा लामो समयदेखि घाटा नै छ । अघिल्लो पटक प्रतिसिलिण्डर ५४५ रुपैयाँ घाटा थियो । अहिले यो खाटा केही कम भएको छ’, उनले भने ।

निगमले आन्तरिक बजारमा लागु गरेको पछिल्लो मूल्यअनुसार पेट्रोल प्रतिलिटर १७५ रुपैयाँ, डिजेल र मट्टीतेल १६५ रुपैयाँ आन्तरिक हवाई इन्धन प्रतिलिटर १६० रुपैयाँ, अन्तर्राष्ट्रिय हवाई इन्धन प्रतिकिलोटिर १३ सय ५० अमेरिकी डलर र ग्यास प्रतिसिलिण्डर १८ सय रुपैयाँ छ ।


Read Previous

धादिङको गणेश खोला पुलमा फेरि भ्वाङ, सवारी आवागमन बन्द   

Read Next

आयातकर्ता जाँचपास गराउन नआए वीरगञ्ज भन्सारमै थन्किए नयाँ सवारी साधन   

Leave a Reply

Your email address will not be published. Required fields are marked *