नेपाल पूर्वाधार 
काठमाडौं । नेपालको जलविद्युत क्षेत्रको दीगो विकासका लागि विश्व बैंक र एशियाली विकास बैंक (एडिबी) सहकार्य गर्ने घोषणा गरेका छन् । विशेषगरी प्रस्तावित माथिल्लो अरुण र दुधकोशी जलविद्युत आयोजना निर्माणको सन्दर्भमा सहकार्य घोषणा गरेका हुन् ।
बुधबार विश्व बैंक र एडिबी दुवैले थालनीमा ५ वर्षको लागि सहकार्य गर्ने गरी समझदारी पत्रमा हस्ताक्षर गरेका छन् । युनाइटेड अरव इमिरेट्स (युएइ)मा भइरहेको कोप २८ सम्मेलनको साइडलाइनमा रहेर दुवै बैंकका प्रतिनिधीले समझादारी पत्रमा हस्ताक्षर गरे । विश्व बैंकको तर्फबाट दक्षिण एशिया अध्यक्ष मार्थिन रेजर र एडिबीको तर्फबाट ऊर्जा क्षेत्र हेर्ने उपाध्यक्ष फतिमा यास्मिनले हस्ताक्षर गरे ।
समझादारी पत्रमा हस्ताक्षरपछि विश्व बैंक, दक्षिण एशिया अध्यक्ष मार्थिन रेजरले सरकार, विकास साझेदार र निजी क्षेत्रबीचको सहकार्य नभइ नेपालसँग भएको ऊर्जाको प्रचुर सम्भावनालाई विकास गर्न नसकिने बताए । ‘एडिबी र विश्व बैंकबीच भएको समझादारीले सहकार्य गर्नको आधारस्तम्भ तयार भएको छ । यसले ऊर्जा क्षेत्रको विकासको लागि आवश्यक वित्त र नीतिगत सुझाव दिनुको साथै आउने दशकको लागिसमेत नेपालको हरित, दीगो र सहभागितामूलक विकासमा सहयोग पुग्नेछ’ उनले भने ।
एडिबीको ऊर्जा क्षेत्र हेर्ने उपाध्यक्ष फतिमा यास्मिनले समझदारीले नेपालको ऊर्जा सुरक्षालाई बलियो बनाउनको लागि महत्वपूर्ण कदम भएको बताए । साथै बढ्दो जनसंख्या ऊर्जा माग र सहरीकरणलाई सम्बोधन गर्न पनि ऊर्जा सुरक्षा आवश्यक भएकोमा जोड दिइन् । ‘यसले छिमेकी देशसँग ऊर्जा व्यापार वृद्धि गर्न, क्षत्रिय सहकार्य बढाउन, आर्थिक वृद्धि र हरित तथा समावेशी विकासलाई पनि सहयोग पुग्नेछ’ उनले भनिन् ।
समझादारीले मूख्यत तीनवटा क्षेत्रमा सहकार्य गर्ने लक्ष्य राखको छ । पहिलो देश देशबीचमो सहकार्यलाई बढाउने, दोस्रो सह–लगानीलाई बलियो बनाउने र जलवायु परिवर्तनसँग लड्नको लागि संयुक्त सहकार्यलाई अभिवृद्धि गर्ने रहेको छ ।
