नेपाल पूर्वाधार 
काठमाडौं । नेपालमा एक किमि सडक बनाउन कति घन्टा वा दिन वा हप्ता लाग्ला ? भारतले केही महीना अघि सय घन्टामा सय किमि कालो पत्रे सडक बनाएर विश्व कीर्तिमान बनाएको छ । उत्तर प्रदेश राज्यमा गाजियावाद–अलिगढ एक्सप्रेसवेमा १०० घन्टाभित्र सय किमि सडक बनाएर गिनिज बुकमा रेकर्ड बनाएको हो ।
सडकको एउटा लेनमा सय घन्टासम्म अनवरत रुपमा ११२ दशमलव ५ किमि सडक कालो पत्र गरिएको थियो । यो लम्बाईको कालोपत्र सडकमा भारतको यो विश्व कीर्तिमान हो । सो सडक गाजियाबाद अलिगढ एक्सप्रेस प्रा.लि.ले बनाएको थियो । सो सडक गाजियाबाद र अलिगढलाई जोड्ने मुख्य सडक हो । सो सडक खन्ड ११८ किमि लामो छ ।
सडक बनाउन विशेष खालको बिटुमिनस कंक्रीटको प्रयोग गरिएको थियो । प्रधानमन्त्री नरेन्द्र मोदीले भारतमा सडक विस्तारलाई तीव्रताका साथ अगाडि बढाइरहेका छन् । यस अघि पनि भारतले सन् २०२१ मा २४ घन्टाभित्र ४ लेनको साढे २ किमि सडक र एक लेनको २५ किमि सडक कालोपत्र गरेर गिनिज बुकमा नाम दर्ता गरेको थियो । एजेन्सी
