Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

युवालाई सूचना प्रविधिको क्षेत्रमा दक्ष बनाउनुपर्छः सञ्चार मन्त्री


बेथाञ्चोक । सञ्चार तथा सूचना प्रविधिमन्त्री ज्ञानेन्द्रबहादुर कार्कीले युवालाई सूचना प्रविधिका क्षेत्रमा दक्ष बनाउनुपर्ने बताएका छन् ।

बेथानचोक गाउँपालिकास्थित पार्वती बहुमुखी क्याम्पसको प्रथम भेलामा बोल्दै मन्त्री कार्कीले आजको युग सूचना प्रविधिको युग भएकोले यसमा युवाहरुलाई आकर्षित गर्नुपर्ने बताए ।

गुणस्तरीय सूचना प्रविधि सम्बन्धी शिक्षा प्राप्त गरेका युवाले घरमै सबेर महिनाकै डेढ लाखसम्म आर्जन गरिरहेको उनले युवालाई दक्ष बनाउन सके उनीहरुले स्वदेशमै राम्रो आम्दानी गर्न सक्ने बताए । प्रमाणपत्रलाई खोष्टो नबनाई व्यक्तिगत जीवनयापन र समाजका लागि उपयोगी बनाउनुपर्ने उनको धारणा थियो ।

कार्यक्रममा गाउँपालिका अध्यक्ष भगवान अधिकारी र पार्वती बहुमुखी क्याम्पसका वरिष्ठ पत्रकार परशुराम घिमिरेले शिक्षाको मार्फत युवालाई सक्षम र सबल बनाउनका लागि क्याम्पस अघि बढीरहेको बताए ।

कार्यक्रममा संविधानसभाका सदस्य एवं पूर्व राज्यमन्त्री कञ्चनचन्द्र वादे श्रेष्ठ, संविधानसभाका सदस्यहरु कृष्णप्रसाद सापकोटा, रामहरि सुवेदी र तीर्थ लामा, शिक्षासेवी डा.बलराम तिमल्सिना लगायतले काभ्रेको दक्षिण भेगको शिक्षा विकासका लागि पार्वती क्याम्पसले खेलेको भूमिकाबारे चर्चा गरेका थिए ।


Read Previous

 नारायणगढ-बुटवल सडक स्तरोन्नति ठेक्काको म्याद सकिन ११ दिन बाँकी हुँदा साढे १८ प्रतिशत काम, ठेक्का तोड्ने तयारी

Read Next

आइसिटी अवार्डमा दक्षिण एसियाली देशका स्टार्टअपहरूबीच प्रतिष्पर्धा हुने

Leave a Reply

Your email address will not be published.