नेपाल पूर्वाधार 
एजेन्सी । चीनले भूमि र आकाश दुवैमा सञ्चालन गर्न सकिने एकीकृत फ्लाइङ कार ‘कुनपेङ नम्बर–२’ लाई पूर्वी चीनको जियाङ्सु प्रान्तस्थित साउथइस्ट विश्वविद्यालयमा पहिलो पटक सार्वजनिक रूपमा प्रस्तुत गरेको छ।
फोल्ड गर्न मिल्ने हात (आर्म) सहित डिजाइन गरिएको यो सवारी साधनले जमिनमा चल्ने र आकाशमा उड्ने मोडबीच सहज रूपमा रूपान्तरण गर्न सक्ने विशेषता राख्छ। यसले विभिन्न भौगोलिक अवस्था र आवश्यकता अनुसार छिटो अनुकूलन गर्न सक्ने बताइएको छ।
विकासकर्ताहरूका अनुसार ‘कुनपेङ नम्बर–२’ लाई लजिस्टिक्स ढुवानी, पूर्वाधार निरीक्षण तथा आपतकालीन उद्धार कार्य मा प्रयोग गर्ने लक्ष्य राखिएको छ।
यस सार्वजनिक प्रदर्शनलाई चीनले उन्नत यातायात प्रविधि र न्यून–उचाइ उड्डयन (लो–अल्टिच्युड एभिएसन) क्षेत्रमा गरिरहेको अनुसन्धान तथा विकास प्रयासको एक महत्वपूर्ण उपलब्धिका रूपमा हेरिएको छ।
