Nepal Purbadhar

शुक्रबार, साउन ४, २०८१
Friday, July 19, 2024

शुक्रबार, साउन ४, २०८१
Friday, July 19, 2024

वैकल्पिक ऊर्जा प्रवर्द्धन केन्द्रको कार्यकारी निर्देशकमा ढकाल, गौतम र सापकोटाको नाम सिफारिस


काठमाडौं । ऊर्जा, जलस्रोत तथा सिँचाइ मन्त्रालयले वैकल्पिक ऊर्जा प्रवर्द्धन केन्द्र (एइपिसी) को कार्यकारी निर्देशक पदपूर्तिका लागि ३ जनाको नाम सिफारिस गरेको छ । मन्त्रालयले केन्द्रका कामु कार्यकारी निर्देशक नवराज ढकाल, डा.सूर्यकुमार सापकोटा र डा. किरण गौतमको नाम सिफारिस गरेको हो ।

सापकोटा केन्द्रकै निर्देशक हुन् । गौतम जल तथा ऊर्जा आयोगको सचिवालयकी उपसचिव (सिनियर डिभिजनल इन्जिनियर) हुन्
वैकल्पिक ऊर्जा विकास समिति गठन आदेश, २०५३ को दफा ७ बमोजिम केन्द्रको कार्यकारी निर्देशक नियुक्तीका लागि प्रतिस्पर्धा आह्वान गरिएकोमा २१ जनाको आवेदन परेको थियो । २१ जना मध्येबाट प्रारम्भिक छनोटमा १४ जना परेका थिए ।

१४ आवेदक मध्येबाट मूल्यांकनपछि ३ जनाको नाम छनोट गरिएको मन्त्रालयले जनाएको छ । मन्त्रालयका अनुसार सिफारिस समितिले बिहीबार निर्णय गरी उमेद्वारको योग्यता, अनुभव, व्यवसायिक कार्ययोजना सहितको प्रस्ताव मुल्याङ्कन तथा प्रस्तुतीकरण र अन्तर्वार्ताबाट प्राप्तांकको आधारमा उत्कृष्ट ३ मा परेका उनीहरूको नाम सिफारिस गरिएको हो ।

अब मन्त्रीपरिषदबाट उत्कृष्ट ३ मा छनोट भएका मध्येबाट एक जनालाई केन्द्रको कार्यकारी निर्देशक नियुक्त गरिनेछ । मधुसुधन अधिकारी आफ्नो कार्यकाल पूरा गरी विदा भएपछि केन्द्रको कार्यकारी निर्देशक पद रिक्त छ ।


Read Previous

वीरगन्ज महानगर पनि पाेलमा लत्रिएका अव्यवस्थित तार हटाउँदै

Read Next

डोल्पामा पुग्यो राष्ट्रिय प्रसारण प्रणालीको विद्युत

Leave a Reply

Your email address will not be published. Required fields are marked *