नेपाल पूर्वाधार 
पर्वत । औद्योगिक घराना चाैधरी ग्रुपले निर्माण गरेकाे १८ मेगावाटकाे मध्यमाेदी जलविद्युत आयोजनाकाे विद्युत राष्ट्रिय प्रसारण प्रणालीमा जाेडिएकाे छ । पर्वतकाे मोदी खोलामा निर्माण सम्पन्न आयोजनाबाट परीक्षण उत्पादन सुरु गरिएकाे हाे ।
नेपाल विद्युत प्राधिकरणकाे प्राविधिक टाेली पुगेर परीक्षण गरेपछि आयोजनाकाे विद्युत साेमबारबाट प्रसारण प्रणालीमा जाेडिएकाे मिडिल मोदी हाइड्रोपावर लिमिटेडले जानकारी दिएकाे छ । निर्माण सुरु भएकाे ८ वर्षपछि आयोजनाकाे विद्युत प्रसारण प्रणालीमा जाेड्न सम्भव भएकाे हाे ।
कम्पनीले २०७१ साल मंसिरबाट आयोजनाकाे संरचना बनाउन सुरु गरेकाे थियाे । विविध कारणले आयोजनाकाे निर्माण प्रभावित हुँदा सम्पन्न हुन ८ वर्ष लागेकाे आयोजना प्रमुख प्रताप खरेलले बताए ।
निर्माण थालेको ३ वर्षमा नै काम पूरा गर्ने तालिका ताेकिए पनि भूकम्प, नाकाबन्दी र कोभिड–१९ महामारीलगायत कारणले लक्ष्यभन्दा ५ वर्ष ढिलाे गरी विद्युत उत्पादन सुरु गरिएकाे खरेलले बताए । आयोजनाले उत्पादन गरेकाे विद्युत १३२ केभी मोदी-लेखनाथ सबस्टेसनमा जाेडिएकाे छ ।
करिब २ साताकाे परीक्षण उत्पादनपछि आयोजनाबाट व्यापारिक उत्पादन सुरु हुने कम्पनीले जनाएकाे छ । आयोजनाको बाँध, सुरुङ, विद्युतगृह तथा सबस्टेसनसम्मकाे प्रसारण लाइन निर्माण सम्पन्न भएपछि संरचनाकाे परीक्षण गरिएकाे थियाे । संरचनाकाे परीक्षण सफल भएपछि नै उत्पादन सुरु भएकाे खरेलले बताए ।
आयोजना सम्पन्न हुँदा ४ अर्ब रुपैयाँ खर्च भएकाे कम्पनीले जनाएकाे छ । सुरुवातमा आयोजना सम्पन्न गर्न २ अर्ब ८० करोड रुपैयाँ लागत अनुमान गरिएकोमा निर्माण अविध सम्बिएपछि लागत पनि बढेकाे हाे । याे आयोजनामा चाैधरी ग्रुपकाे लगानी छ ।
२०७१ सालमा चाैधरी ग्रुपका अध्यक्ष विनोद चौधरीले आयोजनाको शिलान्यास गरेपछि निर्माण सुरु भएकाे थियाे । विद्युत प्राधिकरणले दिएकाे पहिलाे तालिका अनुसार ३ वर्षमा नै निर्माणको काम सकेर २०७४ मङ्सिरमा काम पूरा गर्ने लक्ष्य राखिएको थियाे ।
आयोजनाकाे निर्माण सुरु भएपछि प्रभावित क्षेत्रका स्थानीय बासिन्दाकाे पटक–पटकको आन्दोलन र विरोध तथा प्राकृतिक विपद्का कारण आयोजनाको लम्बिन पुगेकाे थियाे ।
२०७२ सालकाे भूकम्पको मारमा समेत परेको आयोजनाले बाढी र पहिराको पनि सामना गर्याे । पछिल्लो १ वर्षयता आयोजना निर्माण कार्यमा कुनै पनि पक्षबाट विरोध नभएका कारण कामले तीव्रता पाएको थियो ।
पर्वतको मोदी गाउँपालिका–२ केङ्गामा आयोजनाकाे विद्युतगृह बनेकाे छ । बाँध क्षेत्रका संरचना भने कास्कीको अन्नपूर्ण गाउँपालिका–३ वीरेठाँटीमा निर्माण गरिएकाे छ ।
आयोजनाको मुख्य सुरुङ २.३९३ किलाेमिटर लामाे छ । निर्माण सुरु गर्ने गर्दा १५.१ मेगावाट जडित क्षमता रहेकाे आयोजना निर्माणकै क्रममा स्तराेन्नति गरी १८ मेगावाट पुर्याइएकाे थियाे ।
