नेपाल पूर्वाधार 
काठमाडौ । नेपाल र अष्ट्रेलिया सरकारबीच जलस्रोत व्यवस्थापनका लागि सहकार्य गर्न समझदारी भएको छ ।
अष्ट्रेलियाको क्याबेरामा भएको नेपाल र अष्ट्रेलियाबीचको सचिवस्तरीय बैठकको क्रममा सोमबार दुवै देशबीच सहकार्यका लागि समझदारी भएको हो । समझदारीपत्रमा नेपालको तर्फबाट जल तथा ऊर्जा आयोगका सचिव दिनेशकुमार घिमिरे र अष्ट्रेलियाका वैदेशिक मामिला तथा व्यापार सचिव जान आडम्सले हस्ताक्षर गरेका छन् ।
नेपालका परराष्ट्र सचिव भरतराज पौडेलको नेतृत्वमा परराष्ट्र दक्षिण एसिया महाशाखा प्रमुख लोकबहादुर थापा, अष्ट्रेलियासिथत नेपाली राजदूत कैलाशराज पोखरेल, परराष्ट्रकी उपसचिव सीता बस्नेतसहितको टोली अष्ट्रेलिया पुगेको छ ।
सो अवसरमा सचिव पौडेल र अष्ट्रेलियाका समकक्षी आडम्सबीच द्धिपक्षीय सम्बनधमा विषयमा छलफल समेत भएको दूतावासले जनाएको छ । सचिवस्तरीय संयन्त्रको बैठक भने भोलि बस्न लागेको छ । बैठकमा द्धिपक्षीय सम्बन्ध, व्यापार लगायतका विषयमा छलफल हुने कार्यक्रम छ ।
