Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

विश्वकै सानो स्मार्ट विद्युतीय गाडी चार्जर ‘इओ मिनी’ अब नेपालमा


काठमाडौं । विश्वकै सानो स्मार्ट विद्युतीय गाडी चार्जर ‘इओ मिनी’ अब नेपाली बजारमा पनि आइपुगेको छ । एमजी मोटर्स नेपालको आधिकारिक वितरक प्यारामाउन्ट मोटर्स प्रा. लिमिटेडले नेपालमा सानो स्मार्ट चार्जरको बिक्री वितरण सुरु गरेको हो ।

विश्वभरका विद्युतीय गाडी प्रयोगकर्तालाई लक्षित गरी यो स्मार्ट चार्जर डिजाइन गरिएको छ । ‘इओ मिनी’लाई बेलायती प्रदायकको विद्युतीय सवारी साधनको चार्जिङ सोलुसन मानिएको छ ।

‘इओ मिनी’ले विद्युतीय गाडी चार्जिङ स्टेसन तथा हार्डवेयर–एग्नोस्टिक क्लाउड–बेस्ड चार्ज पोइन्ट व्यवस्थापन, सफ्टवेयर डिजाइन र निर्माण गर्दछ । ‘इओ मिनी’ सर्वप्रथम सन् २०१४ मा बेलायतको मुख्यालयमा स्थापना गरिएको थियो ।

‘इओ मिनी’ टेक्नोलोजी, विश्वका ठूला व्यवसाय एवं एमेजोन, डिएचएल र टेस्कोलगायत फ्लीट अपरेटरहरूले प्रयोग गर्दै आएका छन् । यो अहिलेसम्म विश्वका ३५ बढी देशहरूमा वितरण भएको छ ।

यस कम्पनीले मर्सिडीज बेन्ज भ्यान जस्ता धेरै निर्माताहरूसँग चार्जिङ पार्टनरको रूपमा साझेदारी पनि गर्दै आएको छ । डिसेम्बर २०२१ मा ‘इओ मिनी’ ले यूके, आयरल्याण्ड र स्क्यान्डिनेभियामा ६० हजार चार्ज पोइन्टहरू स्थापना गरेको थियो ।

इलेक्ट्रिक भ्यान, ट्रक, बस र कार फ्लीट्स चार्ज गर्ने विश्वव्यापी रूपमा चार्जर उत्पादनमा अग्रणी बन्ने कम्पनीको दाबी छ । उसले नयाँ चार्जिङ इकोसिस्टम सिर्जना गर्न लागिपरेको जनाएको छ ।

‘इओ मिनी’मा भएको प्रविधिले चुहावटको स्रोत तत्कालै पत्ता लगाउन सक्ने बताइएको छ । यो घरको पावर इनपुट जडानको आधारमा ६ देखि ३२ एएमपीसम्म समायोजन गर्न सकिन्छ । यो कम्प्याक्ट चार्जर खरिद गर्दा १ वर्षको वारेन्टी हुन्छ । यसको मूल्य ८५ हजार रुपैयाँ तोकिएको छ ।


Read Previous

तीन खर्बको बुढीगण्डकीमा ६० लाख जम्मा गर्न नसक्दा कम्पनी स्थापनामै ढिलाई

Read Next

विश्व बैंकसँग हरित, उत्थानशील र समावेशी विकासका लागि १३ अर्ब सहुलियत ऋण सम्झौता

Leave a Reply

Your email address will not be published.