नेपाल पूर्वाधार 
काठमाण्डौ । बागमती प्रदेश सरकारले आगामी आर्थिक वर्ष २०७९/८० को लागि ७० अर्ब ९३ करोड ९२ लाख रुपैयाँको बजेट विनियोजन गरेको छ ।
प्रदेश सरकारका आर्थिक मामिला योजना मन्त्री शालिकराम जम्कट्टेलले सभामा बजेट प्रस्तुत गर्दै कूल विनियोजनमध्ये चालु तर्फ १९ अर्ब २ करोड ४१ लाख, पुँजीगत तर्फ ४१ अर्ब ५६ करोड २४ लाख, वित्तीय हस्तान्तरण तर्फ ८ अर्ब ३५ करोड २७ लाख र वित्तीय व्यवस्था तर्फ २ अर्ब विनियोजन गरेको बताए ।
कूल विनियोजन मध्ये चालु तर्फ २७ प्रतिशत, पुँजीगत तर्फ ५८.५८ प्रतिशत, वित्तीय हस्तान्तरण तर्फ ११.७७ प्रतिशत र वित्तीय व्यवस्था तर्फ २.८१ प्रतिशत रहेको छ ।
आगामी आर्थिक वर्षको खर्च व्यहोर्ने स्रोतमध्ये कर राजस्वबाट २६ अर्ब ९७ करोड ११ लाख, अन्य राजस्वबाट ६ अर्ब २२ करोड ४४ लाख, संघीय वित्तीय हस्तान्तरणबाट २१ अर्ब ६ करोड ८७ लाख र चालु आर्थिक वर्षको अनुमानित सञ्चित कोषको बचत अन्य प्राप्तीबाट १६ अर्ब ६७ करोड ५० लाख व्यहोरिनेछ ।
बजेटले छिटो प्रतिफल दिने पूर्वाधार आयोजनालाइे प्राथमिकतामा राखेको छ । भौतिक पूर्वाधार मन्त्रालयको लागि मात्र २४ अर्ब ७५ करोड ८५ लाख रुपैयाँ विनियोजन गरिएको छ । खानेपानी ऊर्जा र सिचाइको लागि ९ अर्ब ८१ करोड ४९ लाख विनियोजन गरिएको छ ।
पूर्ण पाठसहित: Budget-Speech bagmati province
