Nepal Purbadhar

शनिबार, फाल्गुन १२, २०८०
Saturday, February 24, 2024

शनिबार, फाल्गुन १२, २०८०
Saturday, February 24, 2024

भौतिक विकाससँगै वातावरण संरक्षणमा जिम्मेवार बनौंः खानेपानी मन्त्री


काठमाडौं । खानेपानी मन्त्री उमाकान्त चौधरीले भौतिक विकाससँगै वातावरणीय संरक्षणप्रति जिम्मेवारी हुनुपर्ने बताएका छन् । डिप्लोमा इञ्जिनियर्स एशोसिएशन, नेपाल (डिन) को ४२ औं वार्षिकी तथा विश्व वातावरण दिवसको अवसरमा आयोजित कार्यक्रममा बोल्दै मन्त्री चौधरीले वातावरणको असरले असन्तुलन बढिरहेको बताए ।

पहाडी वस्ती पानीको कारण विस्तापित भइरहेको र तराईमा पानीको सतह घटिरहेको उल्लेख गरे । ‘यसको कारण अहिले तराई क्षेत्रमा आर्सेनिक पानी खानुपर्ने बाध्यता आइलागेको छ भने उपत्यका र पहाडी क्षेत्रमा पनि त्यस्तै समस्या देखिन थालेका छन्’ उनले भने । यति मात्र होइन, पहिलो १५ देखि २० फिट खन्दा पानी आउने ठाउँमा अहिले ५० फिट खन्दा पनि पानी नभेटिने समस्या देखिएको उल्लेख गरे ।

सरकारले नेपाललाई खुला दिशामुक्त घोषणा गरेको तर दीगोपनको लागि काम गर्नुपर्ने आवश्यकतामा मन्त्री चौधरीले जोड दिए । स्वच्छ वातावरणको लागि ‘वृक्षारोपन होइन, विरुवा हुर्काउ’ अभियान थाल्नुपर्ने बताए ।

डिनका अध्यक्ष कामेश्वर प्रसाद सिंहले विकास निर्माणमा समस्या आउनुमा बजेटको खर्च गर्ने परिपाटी जिम्मेवार रहेको बताए । ‘जेठपछि बजेट नपठाउने हो भने गुणस्तरमा सुधार आउँछ’ उनले भने ।

कार्यक्रममा राष्ट्रिय योजना आयोगका पूर्व उपाध्यक्ष डा. दिनेशचन्द देवकोटाले पूर्वाधार आयोजनाहरुमा तथ्यांक र प्रमाणमा आधारित प्राविधिक क्षेत्र हाबी हुन नसक्दा समस्या उठिरहेको बताए । विशेषगरी राजनीतिज्ञ र पछिल्लो समय पूर्वाधार आयोजनामा अदालतसमेत हावी हुन पुगेको छ’ उनले भने । यसले आयोजना समस्यामा पर्न थालेको र अझ वढ्दै जाने उनको भनाइ छ ।

कार्यक्रममा नेपाल विज्ञान तथा प्रविधि प्रज्ञा प्रतिष्ठानका उपकुलपति सुनिलबाबु श्रेष्ठले पूर्वाधारसँगै प्रविधि र वातावरणलाई संयोजन गरेर अघि बढ्दा मात्र दीर्घकालसम्म जाने बताए । प्रा.डा. मुरली गोपाल रञ्जितकारले पृथ्वीको अनुकुलन हुनेगरी नीति निर्माण गर्नुपर्नेमा जोड दिए ।

कार्यक्रममा भौतिक पूर्वधार तथा यातायात मन्त्रालयका सहसचिव केशवकुमार शर्मा, सिनियर स्ट्रक्चरल इञ्जिनियर जगदीश्वरमान श्रेष्ठ, खानेपानी मन्त्रालयका सहसचिव लक्ष्मी प्रसाद उपाध्याय र सहरी विकास मन्त्रालयकी सहसचिव सरिता मास्केले क्षेत्रगत प्रस्तुति दिएका थिए ।


Read Previous

पूर्वाधार परियोजनामा निफ्रा बैंकको ३४ अर्ब बढी लगानी, जलविद्युतमा मात्रै १८ अर्बको प्रतिबद्धता

Read Next

रुपान्तरणकारी आयोजना निर्माण गर्न दुई छिमेकीसँग समन्वय आवश्यक

Leave a Reply

Your email address will not be published.