नेपाल पूर्वाधार 
काठमाडौं । संघीय राजधानी काठमाडौंको सामाखुसी क्षेत्रबाट लगभग ४५ मिनेटमा पुग्न सकिने नुवाकोट शिवपुरी गाउँपालिकाको सुइरेचौर यो सिजनमा हिमाल हेर्नको लागि उपयुक्त गन्तव्य बन्न गरेको छ ।
सो क्षेत्रबाट अन्नपूर्ण हिम श्रृङ्खला, मनासलु, गणेश, लाङटाङ, जुगल र गौरीशंकर हिमाल लगायत विभिन्न हिम श्रृङ्खलाहरु नजिकैबाट अवलोकन गर्न सकिन्छ ।
काठमाडौंबाट नजिकै रहेको र बस्नका लागि पनि राम्रो व्यवस्था रहेका कारण शुक्रबार र शनिबार सो क्षेत्रमा आन्तरिक पर्यटकहरुको बाक्लो उपस्थिति रहने गरेको स्थानीय प्रधान लामा तामाङले जानकारी दिए ।
तस्बिर : नेपाल फोटो लाइब्रेरी ।
