नेपाल पूर्वाधार 
काठमाडौं । चितवन जिल्लाको भरतपुर महानगरपालिकाले आगामी आर्थिक वर्ष २०८२/०८३ का लागि ५ अर्ब १९ करोड रुपैयाँको बजेट ल्याएको छ ।
महानगरपालिकाका उपप्रमुख चित्रसेन अधिकारीले आइतबार महानगरपालिकाको १७ औं नगरसभामा बजेट प्रस्तुत गरेका हुन् ।
प्रस्तुत भएको बजेटमा आन्तरिक आयबाट १ अर्ब ८० करोड, अन्तरसरकारी वित्तीय हस्तान्तरणबाट २ अर्ब १५ करोड ७६ लाख २५ हजार, संघिय सरकारको रास्व बाँडफाँडबाट ३१ करोड १९ लाख, बागमती प्रदेश सरकारको राजस्व बाँडफाँडबाट १४ करोड ४ लाख ४१ हजार, जनसहभागिता तथा श्रमदानबाट ५ करोड, बैंक मौज्दात ७० करोड र सडक बोर्ड नेपालबाट ३ करोड रहने प्रक्षेपण गरिएको छ ।
साथै, सामाजिक सुरक्षा लगायत अन्तरसरकारी अख्तियारी शीर्षकमा अनुमानित १ अर्ब ३५ करोड रहने प्रक्षेपण गरिएको छ ।
भरतपुरले चालु आर्थिक वर्ष २०८१/०८२ मा ल्याएको बजेटको तुलनामा आगामी आवको बजेट १ अर्बले कम रहेको छ । भरतपुर महानगरले चालु आवमा ६ अर्ब ५५ करोड ७५ लाख ९८ हजारको बजेट ल्याएको थियो ।
