नेपाल पूर्वाधार 
काठमाडौं । काठमाडौं महानगरपालिकाका मेयर बालेन्द्र शाह र उपमेयर सुनिता डंगोलबीच लामो समयपछि भेटवार्ता भएको छ ।
मेयर शाह र उपमेयर डंगोलबीच हिजो बुधबार भेटवार्ता भएको एक वडाध्यक्षले बताए । उनकाअनुसार दुवैले बजेट लक्षित भएर कार्यपालिका बैठक तत्कालै राख्ने विषयमा सकरात्मक धारणा प्रस्तुत गरे ।
गत पुस १४ गते महानगरपालिकाको कार्यपालिका बैठक बसेपछि हालसम्म पनि बैठक बस्न सकेको छैन् । मेयर बालेन र उपमेयरबीच नै पनि विवाद चर्किएको थियो । महानगरका प्रमुख प्रशासकिय अधिकृतलाई काम गर्न नदिएको विषयमा पनि महानगरमा मेयर र उपमेयरबीच विवाद भएको थियो ।
यी सबैका बीच औपचारिक रुपमा मेयर शाह र उपमेयर डंगोलबीच भेटवार्ता भएको छ । दुवैले बजेट ल्याउनका लागि सकरात्मक धारणा राखेका छन् भने छिट्टै नै कार्यपालिका र नगरसभा बैठक राख्ने विषयमा कुराकानी भएको छ ।
