नेपाल पूर्वाधार 
काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले गणतन्त्र दिवसको दिनदेखि सुरु हुने आन्दोलन राजसंस्था र हिन्दु राष्ट्र पुनर्स्थापनाका लागि निर्णायक हुने अभिव्यक्ति दिएका छन् ।
काठमाडौंमा आयोजित एक कार्यक्रममा उनले प्रधानमन्त्रीलाई भाग्न पर्ने अवस्था सिर्जना हुने गरि आन्दोलन चर्काउने बताएका हुन् ।
“प्रधानमन्त्रीले संसदमा अब उमेरका हिसाबले पनि भाग्न सकिँदैन भन्नुभयो”, लिङ्देनले भने, “भाग त भन्नु भएन नि । भाग्न सकिन्न भने पनि सम्झौता नगर्ने हो भने उहाँहरुलाई हेलिकप्टरबाट जाने मौका दिनुपर्छ हामीले । हेलिकोप्टरको सुविधा प्रयोग गर्न छुट दिने ।”
उनले यसपटकको आन्दोलन टुंग्याएरै छाड्ने गरि अघि बढाईने बताएका छन् । उनले आन्दोलनमा आफू मात्रै नभएर सपरिवार आउने र छरछिमेकलाई पनि लिएर आउन समेत आह्वान गरेका छन् ।
राप्रपाले आउँदो गणतन्त्र दिवसका दिन जेठ १५ गते काठमाडौंसहित विभिन्न ठाउँमा आन्दोलन गर्ने बताएको छ । यसअघि चेत्र १५ गते काठमाडौंको तिनकुनेमा राप्रपा समेत सहभागी रहेर राजावादीहरुको हिंसात्मक आन्दोलन भएको थियो ।