नेपाल पूर्वाधार 
झापा । झापास्थित जिल्ला पूर्वाधार विकास कार्यालयले आर्थिक वर्ष २०८०/८१ मा २ अर्ब १२ करोड ४६ लाख ५० हजार रुपैयाँ खर्च गरेकाे छ । यो खर्च पुँजीगततर्फ विनियोजित रकमको ७३.३९ प्रतिशत हो ।
कार्यालयका सूचना अधिकारी उत्तम नारायण खरेलका अनुसार प्रदेश स्रोत, संघ सशर्त र समपूरक गरी जम्मा २ अर्ब १२ करोड ४६ लाख ५० हजार रुपैयाँ पुँजीगततर्फ विनियोजन भएको थियो ।
“चालुतर्फ विनियोजित २ करोड ३० लाख रुपैयाँ मध्ये एक करोड ७६ लाख ४६ हजार रुपैयाँ अर्थात् ७७ प्रतिशत रकम खर्च हुँदा समग्रमा ७३.४३ प्रतिशत खर्च भएको छ”, उनले भने ।
झापा र इलाम दुई जिल्ला कार्यक्षेत्र रहेको पूर्वाधार विकास कार्यालयले गत आवमा झापामा ४ र इलाममा २ गरी ६ वटा मोटरेबल पुल निर्माण सम्पन्न गरेको थियो ।
यसैगरी, गत आवमा २६.७३ किमी सडक कालोपत्र, २७.५८ किमी सडक ग्राभेल, १७.५ किमी सडक मर्मत, ३ किमी कच्ची सडक, १.३७ किमी पिसिसी र २.२० किमी सडक सोलिङ गर्ने काम सम्पन्न भएको छ । झापा जिल्लामा दुईवटा बहुवर्षीय सडकको २०.४७ किमी निर्माण सम्पन्न भएको छ ।
