नेपाल पूर्वाधार 
डाेटी । डोटीकाे दीपायलमा पहिलो पटक बृहत लिफ्ट सिँचाइ आयोजनाकाे निर्माण सुरु गरिएको छ । जिल्लाको दीपायल सिलगढी नगरपालिकाले वडा नम्बर १, २ र ३ का लागि बासुधारास्थित सेती नदीकाे पानी उपयाेग हुने गरी बृहत लिफ्ट सिँचाइ आयोजनाकाे निर्माण सुरु गरिएकाे हाे ।
लिफ्ट सिँचाइ आयोजना निर्माणपछि सेती नदीको पानी २ सय मिटर उचाइमा लगेर रिजर्भ गरिनेछ । यसरी रिजर्भ गरिएकाे पानीबाट करिब ३ हजार घरधुरीले खेतबारी सिँचाइकाे सुविधा पाउनेछन् । यो क्रमागत योजना भएकाले २०८० सालभित्र सक्ने गरी निर्माण सुरु गरिएको पनि नगर कार्यपालिकाले जनाएकाे छ ।
याे लिफ्ट सिँचाइ आयोजना सम्पन्न गर्न ६० लाख रुपैयाँ लागत अनुमान गरिएकाे छ । सिँचाइ सुविधापछि व्यावसायिक तरकारी खेतीबाट कृषकहरूको आयस्तर बढाउने अपेक्षा गरिएको स्थानीय खगेन्द्र बोगटीले बताए । याे आयोजना सञ्चालनमा आएपछि सिँचाइका लागि पावर डिप स्यालो ट्युबेल जडान गरिनेछ ।
दीपायल सिलगढी नगरपालिकाको चालू आर्थिक वर्षको बजेटमा सेती नदी बासुधारास्थित लिफ्ट सिँचाइ आयोजना समावेश गरिएको थियो ।
